التجارة الالكترونية فى موسم البلاك فرايداى ( الجمعة البيضاء)

البلاك فرايداى بيمثل حالة طوارىء للتجار سواء فى المحلات التجارية العادية و كمان أون لاين على الانترنت للمتاجر الالكترونية و على مستوى العالم كله

و هو أكبر موسم للتسوق و الشراء ، و كمان المنافسة بين العلامات التجارية و المنتجات المختلفة بتكون فى أعلى مستوياتها ، و فى نفس الوقت بتكون أكتر فرصة تقدر بيها تزود من مبيعاتك 

و زى ما هو موسم الخصومات و العروض بالنسبة للجمهور المتسوق ، ده الموسم اللى بترتفع فيه معدلات البيع بالنسبة للتجار و ممكن الزيادة دى تعدى الـ 50 % ربح عن مبيعات السنة كلها

موسم البلاك فرايداى مش لازم بس يكون يوم واحد ، كمان تقدر تمد عروضك و خصوماتك لأكتر من يوم بعدها و تكررها تانى للجمعة اللى بعدها 

و ممكن أى تاجر يزود من أرباحه و معدل مبيعاته فى الموسم ده لو جهز له و خطط له صح

فوالا قرر أنه يدعم عملائه و التجار فى الأنشطة التجارية المختلفة و يحاول يساعدهم يحققوا هدفهم فى الموسم ده ( اقرأ عرض فوالا لاشتراك المتجر الالكترونى و المميزات الاضافية اللى بيقدمهالك https://bit.ly/35Gj5QW) و كمل الموضوع ده للآخر 

نصائح تسويقية و خطوات لاستراتيجيات فعالة من خلالها هتقدر تستفيد من البلاك فرايداى ( الجمعة البيضاء ) و تحقق أهدافك فى بيع منتجاتك :

-بعد ما تكون درست كويس السلوك الاستهلاكى لعملائك المستهدفين و عملت بحث و دراسة للسوق و مجال تجارتك، و كمان تحليل جيد للمنافسين فى المواسم المختلفة السابقة، و قبل الموسم ده بفترة و خصوصا فى مرحلة التجهيزات و الاستعداد ، سواء أسعارهم و العروض اللى بيقدموها، و ده اللى هيساعدك تتميز عنهم 

-مهم كمان انك تعرف اهتمامات جمهورك و تعرف ايه أكتر و أعلى المنتجات مبيعا على متجرك ، ده هيساعدك فى جذب جمهورك بشكل أسرع و اختيار المنتجات المطلوبة و المميزة بالنسبة ليهم ، و ده بيوفره ليك متجر Vowalaa الالكترونى من خلال التحليلات اللى بيقدمهالك عن سلوك و أداء عملائك على صفحات متجرك 

-اهتم انك تتواصل مع العملاء و المتسوقين و خصوصا اللى تركوا عربة التسوق أو سلة الشراء بدون انهاء الخطوات أو الاجراءات كلها للنهاية و قدم ليهم خصومات عليها أو هدايا مجانية تشجعهم على الرجوع و استكمال عملية شراء المنتج

• اختار منتجات العروض و حدد سعرها و نسبة الخصم أو الهدايا عليها ،و اعمل خطة للتخفيضات و العروض تكون مناسبة لهامش الربح ، و حدد نوع المنتج - نوع العرض - السعر الأصلى للمنتج و السعر و خاصة فى الموسم ده ، و حدد تاريخ البدء فى البيع و الانتهاء منه ، و منصات و قنوات البيع و الترويج اللى هتستخدمها ، و كمان كود الخصم / العرض اللى هتقدمه لعملائك
• اختارالمنصة المناسبة للعرض عليها سواء كانت متجرك الالكترونى ، بأنك تخصص صفحة لعروض المواسم و تجهزها بالكامل ، و من خلال منصات السوشيال ميديا المختلفة زى الانستجرام ( على سبيل المثال لو كان أغلب جمهورعملائك من السيدات أو الفتيات) أو جمهورك موجود بنسبة كبيرة عليه

أو على منصة الفيس بوك لأنواع و شرائح مختلفة من الجمهور و مناسب لأشكال و تصنيفات و مجالات تجارية كتيرة ، أو منصة اليوتيوب اذا كان اعلانك هيكون فيديو ترويجى للبراند و لقائمة عروض منتجاتك

أومنصة تويتر اذا كنت بتستهدف بشكل أساسى دول الخليج العربى ، وغيرهم من المنصات المختلفة اللى تقدر تعلن و تروج من خلالها لعروض منتجاتك خلال الموسم ده و أى مواسم تانية طوال السنة

• المنافسة بتكون قوية جدا فى الموسم ده بالتحديد ، فا مهم تكون مميز فى عروضك بالنسبة لعملائك عشان تجذب انتباهم و يختاروا متجرك عن أى متجر تانى
• مهم تكون مجهز متجرك فى أكتر من جانب للمناسبة دى،  عشان تزود من المبيعات و تتجنب فائض المنتجات وكمان تقدر تحضر لعرض منتجات جديدة و تحقق هامش ربح مناسب بالنسبة للمصاريف و حجم الانفاق
• استغل متجرك الالكترونى عشان تجذب عملائك و تنشط حركة التسوق و الشراء أون لاين عليه
• قدم عروض و تخفيضات استثنائية على غير العادة و مختلفة عن أى مناسبة تانية أو غير طول السنة
• حدث جميع صفحات متجرك بتصميمات و بانرات عروض منتجاتك للبلاك فرايداى عشان تفكر عملائك بيك و تحفزهم و تشجعهم على الشراء
• تابع أداء و سلوك عملائك قبل و أثناء الموسم ده و تواصل معاهم من خلال منصاتك المختلفة و روج و اعلن عن منتجاتك ، و اضمن ليهم تجربة تسوق ناجحة و فعالة من خلال متجرك الالكترونى
• جهز متجرك من حيث الدعم الفنى و التحديث و ربطه بأكواد البيكس و التتتبع اللى تقدر بيها تحتفظ بكم العملاء اللى هيزوروا و هيتصفحوا موقعك / متجرك 
• و اتأكد من قدرته على تحمل و استيعاب كم كبير من الزوار و المستخدمين 
• اتأكد من الـ interface أو واجهة العرض للمستخدم و توافقها مع واجهة عرض الموبايل 
• اتأكد من سرعة الموقع / المتجر و انه يكون بدون أخطاء error أو broken links فى صفحاته
• اهتم بالتصميمات الجذابة و المميزة لعروض منتجاتك بعبارات و محتوى يجذب الزوار، و تكون مستهدفة و موجهه بشكل صحيح
• استخدم الهاشتاجات و الوسومات المهمة و المشهورة لليوم ده زى (#الجمعة_البيضاء ، #عروض_الجمعة_البيضاء ، #تخفيضات ، #black_friday#discount #offers )
• خطط و ابدأ حملات اعلانية متوسعة و عرف الجمهور المستهدف بمنتجاتك و عروضك ، واستخدم الفيديو التسويقى و المحتوى البصرى لصور المنتجات و عروضها لجذب الزبائن و العملاء و تخليهم على استعداد للشراء منك
• اهتم بالمحتوى الترويجى من ( تصميمات - بانرات - نصوص و محتوى اعلانى مكتوب )
• اعمل جدول زمنى لعروضك و لحملتك الاعلانية و حدد أدواتك و أفكارك التسويقية
• خصص ميزانية للاعلانات المدفوعة و ابدأ قبلها بفترة قبل التزاحم و المنافسة العالية و ارتفاع سعر النقرة / الكليك على الاعلان

 وا حنا فى فوالا نقدر نساعدك و بنقدملك خدمات مميزة و مناسبة ليك فى التسويق تقدر تعرفها من اللينك ده)

*أفكار تسويقية للجمعة البيضاء :

استخدم أمثلة من أشكال و أنواع العروض دى أثناء بيع منتجاتك فى موسم زى ده :

• قدم هدية مجانية مع كل عملية شراء ( مثلا شحن مجانى) بحد أدنى عدد منتجات أو قيمة شراء
• اعمل خصم 50 % على كل المنتجات 
• اعمل عرض شراء منتج و الحصول على الآخر مجانا
• خصم 20-30% على فئة معينة من المنتجات
• خصم 50 % على المشتريات أون لاين و كمان الشحن و التوصيل مجانا
• استخدم مبيعات الـ flash sale ، بأنك تقدم خصومات أكتر من المعتاد و بشكل مفاجىء و خصوصا لو كان عندك مخزون زائد من المنتجات و عايز تسرع من عملية البيع
• اضافة هدايا مجانية للعملاء عند شراء المنتجات و ممكن تكون فى صورة كارت / بطاقة / كوبون للهدايا المجانية يستمر معاه لفترة قادمة
• عرض على منتج معين و ليوم واحد فقط ، ده هيدفع العميل المهتم على الشراء فورا و بدون تفكير و ينتهز الفرصة دى 
• استخدم رسائل اعلانية مشهورة و محفزة على الشراء ، على سبيل المثال ( الحق قبل النفاذ - عروض مميزة متتفوتش - انتهز الفرصة )
• استخدم استراتيجية التنزيلات المبكرة و اعرض كل الخصومات و العروض قبلها بوقت كافى لو لاقيت الفرصة مناسبة لـ ده 
• اعرض منتجات جديدة للبيع حصريا فى البلاك فرايدى فقط و اقنع عميلك بأنها متوفرة لليوم ده فقط  ( انتهز الفرصة و اشترى الآن - اليوم هو آخر يوم لعرض المنتج )
• استخدم فى متجرك مؤقت العد التنازلى أثناء عرض و ترويج المنتجات، لتحفيز المتسوق على الشراء
• اهتم برسائل الموبايل - البريد الالكترونى و كمان الواتساب لعملائك الحاليين و السابقيين و ادفعهم لزيارة متجرك بإضافة رابط صفحة كل منتج و المنتجات المكملة ، عشان تسهل عليه خطوات عملية الشراء مع الرسائل التحفيزية و اللى عرضناها سابقا فى أول الموضوع 

ومتجر فوالا بيوفرلك ميزة اضافية و هى بروفايل كامل لكل عميل عندك و بكل المعلومات و وسائل الاتصال معاه بالاضافة لامكانية الربط بأدوات الشات بوت المختلفة اللى تقدر بيها تبعت رسائل لا محدودة لعملائك ( اعرف أكتر من خلال اللينك https://bit.ly/3fpAG2Z)

*و من أكتر المجالات التجارية و المنتجات مبيعا فى موسم البلاك فرايداى فى السنوات السابقة على مستوى العالم :

-الملابس 

-الالكترونيات

-ألعاب الأطفال

-الأدوات المنزلية

احصائيات و أخبار للمتاجر الالكترونية على مدار السنوات السابقة :

*متجرجوميا الالكترونى حقق خلال موسم البلاك فرايداى سنة 2019 أكتر من 9 مليار زيارة على المتجر الالكترونى ، و أكتر من 100 مليون مستهلك على مستوى دول القارة الأفريقية 

وأعلن انه تم توصيل 3 ملايين طلب خلال الفترة من 8 لـ 29 نوفمبر ، مع توصيل 33 % من الطلبات فى أقل من 24 ساعة ، و بالاضافة انهم فعلوا خدمة توصيل المنتجات فى أى من 20 دقيقة حسب نوع الطلب  ، و 30 % من الطلبات تم دفع قيمتها عن طريق Jumia pay

، و كانت فئة البقالة متصدرة للمركز الأول على مبيعات متجرهم ،يليها فى الترتيب( الأجهزة الرياضية ، الأزياء و الاكسسوارات ، التليفزيونات و أجهزة الصوت و الفيديو ، الأجهزة المنزلية )

*أما حسب احصائيات موقع Black Friday Global، ان مبيعات السنوات الأخيرة فى مصر تصدرت فيها( الملابس و الأزياء ،الأحذية ، مستحضرات التجميل ، العطور،الالكترونيات، الهدايا )

-و ان المنتجات الأكثر طلبا و مبيعا فى الجمعة البيضاء لعام 2019 فى مصر، هى ( 1- الملابس ،2-الالكترونيات ، 3- الأحذية ، 4-مستحضرات التجميل و العطور ، 5-الأجهزة المنزلية ، 6- الهدايا ، 7- منتجات الأطفال ، 8-الكتب ، 9-السلع و الأدوات الرياضية )

-و كان فى الاحصائيات ان نسبة 26% من متسوقى الجمعة البيضاء فى مصر فى المحلات التجارية العادية فقط ، و نسبة 54% على الانترنت و المتاجر الالكترونية ، أما نسبة 20 % المتبقية فى الانترنت و المتاجر الالكترونية معا.

لسه متردد و مأخدتش القرار فى امتلاك متجر الكترونى خاص بك !!… ده أنسب وقت 

تواصل معانا و اعرف أسعار و عروض الاشتراكات على متجر فوالا الالكترونى و ابدأ الآن فى عرض و بيع منتجاتك.

ابعت لنا رسالة أو كلمنا على

01004282491‏

01022552184

او زور موقعنا الالكترونى : https://appstore.vowalaa.com/

#vowalaa

#ecommerce

#BlackFriday

#blackfriday2020

#تجارة_الكترونية

#متجر_الكترونى

#الجمعة_البيضاء

#بلاك_فرايداي

مواضيع ذات الصلة :

-التكامل بين متجرك الالكترونى و اداة FACEBOOK COMMERCE MANAGER

-يعنى إيه CTA وليه مهم فى الصفحة الرئيسية لمتجرك بشكل خاص
 

-ازاى تبقى تاجر ناجح و تطور من تجارتك و مشروعك؟