Coupon module
هو نوع من استراتيجيات التسويق فى التجارة الالكترونية ، و وسيلة فعالة فى الحملات الترويجية من حيث التفاعل و معدل التحويلات conversion rate و ليها دور فى زيادة نمو و تطور ( البيزنس )
و عشان تعرف ازاى تستخدم الاستراتيجية دى ، اعرف الفرق بين الكوبون و الخصم!!
الكوبون بيكون عبارة عن كود قابل للمشاركة و الاستخدام من أى شخص بيحصل عليه ، و بيستخدمه العميل عشان يستمتع بعرض على أى منتجات حابب يشتريها ، و الطريقة دى بتتيح للشركة أنها تفهم مسار عملية الشراء عند المستخدم بشكل أفضل زى مثلا ( من أى مكان العميل بيحصل على كود الكوبون أو بيستخدمه فى ايه و مع انهى منتجات )
أما الـ discount أو الخصم ، فهى طريقة ترويجية للبيع على منتجات محددة بتتقدم بسعر أقل من المعتاد على سبيل المثال ( خصومات نهاية الأسبوع - خصومات الجمعة البيضاء ) اللى بيتحدد ليها نسب زى 20% خصم على منتج كذا
و بتكون لشريحة مستهدفة من العملاء و أحيان كتير بتبقى لعملاء معينة على المتجر.
و من مميزات و فوائد الاستراتيجية دى :
-زيادة معدل التحويلات increased conversions
العروض الترويجية أو الخصومات اللى بتقدمها على منتجاتك بتزود احتمالية تحويل العميل للموقع و تصفحه ، و كمان بتضيف قيمة زيادة على المنتج بالنسبة للعميل و بتشجعه على اتخاذ قرار الشراء بشكل أسرع
-زيادة الفرصة فى الحصول على العميل increased customer acquisition
فى تقرير من Retail ME Not بيقول ان 80 % من العملاء الجدد و زوار المواقع لأول مرة بيكونوا مستهدفين من نوع معين من العروض و الخصومات و بتكون دى الطريقة الفعالة لجذب عملاء جدد للبراند و كمان الاحتفاظ بيهم لفترة أطول
-بالاضافة إلى ميزة تقليل الخسائر اللى ممكن تمر بيها البراند فى فترات معينة بيكون فيها ركود فى عملية البيع و الشراء
فبتبقى الاستراتيجية دى مجديه لعدم حدوث خسائر فى الأرباح و الحفاظ على معدل المبيعات.
ازاى تحقق حملة ترويجية و اعلانية ناجحة بإستخدام استراتيجية الكوبون و الخصم
-استهدف العملاء المناسبين اللى يناسبهم أى من العروض اللى هتقدمها
-حدد وقت اعلانك الترويجى ( لو فيه مواسم معينة - أعياد - مناسبات ) أو حتى وقت ظهور الإعلان فى الأوقات الأكثر تفاعلا ونشاطا
-حدد شروط و حالات الترويج promotion
- حدد الـ action اللى المفروض العميل يقوم بيه ( وسهلها عليه وخليه يوصل بشكل أسرع وأفضل )
-حدد معدل التغيير فى العروض سب نوع الشريحة المستهدفة للمنتج و حسب الوضع الحالى للسوق
-قارن و فاضل بين العروض اللى بتقدمها و حدد أولويتها بالنسبة لعملائك
مواضيع ذات الصلة :
-upselling module ... اقرأ المزيد
-ازاى تحقق زيادة فى المبيعات على متجرك الالكترونى من غير اعلانات ؟! ... اقرأ المزيد
-SALES FUNNEL - TOFU - خدع ونصائح عن جذب العملاء - الجزء الأول... اقرأ المزيد
