Up selling module
هو اسلوب و استراتيجية فى البيع ، عن طريقه بتعرض على عملائك المزيد من التحديثات الخاصة بمنتج معين أو منتجات ذات الصلة (ليها علاقة ) باللى اشتروه قبل كده و تجربتها بمميزات أفضل ، و دى تعتبر محاولة لزيادة قيمة المشتريات من متجرك الالكترونى
أو من خلال عرض نسخة المنتج الأعلى سعرا و لكن الأفضل فى المميزات و القيمة اللى بيحصل عليها المستخدم
وأشكال استخدام طريقة الـ up sale فى البيع بتكون :
-مع أكتر المنتجات تقييما Reviewed عشان تبقى أكتر اقناعا للعملاء
-أكتر المنتجات مبيعا و أكترهم جذبا و فى كتير من الأوقات بتبقى كمان الأكتر تقييما
-أكتر المنتجات المرتبطة بالمنتج اللى اتباع بالفعل ، فيها بتحدد المنتج المناسب لكل عميل أو مشترى
و ده هيكون أسهل تعمله لو بتستخدم خاصة upselling plugin اللى فيه بتم العملية دى بشكل تلقائى من خلال منصة التجارة الالكترونية الخاصة بيك
و من المهم تبقى المميزات الأساسية للمنتج متوافقه مع التحديثات الخاصة بيه ويكون فيه اختلاف فى السعر بين النسخة الأعلى و النسخة الأقل منه اللى بتقدمها فى شكل استراتيجية الـ up sale
فا لو كنت بتقدم نسخة أرقى أو أعلى من المنتج الأساسى وصل لعملائك احساس اد ايه هو أفضل مع انه الأعلى سعرا
و ازاى هيعود بفايدة عليهم ، ازاى هيحسن من حياتهم أو يخليها أفضل و أسهل ، ازاى فيه منافع ازيد
بمعنى انك تقنع العملاء و المستخدمين ليه ممكن يختاروا و يشتروا الأعلى سعرا ؟!!
مواضيع ذات الصلة :
-COUPON MODULE ... اقرأ المزيد
-ما معنى دورة حياة المنتج - PRODUCT LIFE CYCLE...اقرأ المزيد
