ازاى تبقى تاجر ناجح و تطور من تجارتك و مشروعك؟
لو لسه فى بداية انشاء مشروعك أو بتجهز لدخول مجال و سوق التجارة ، فيه قواعد عامة لازم تراعيها وتتبعها فى شغلك علشان متخاطرش بفلوسك وبوقتك بدون داعى .. وكل قاعدة من دول بيبقى معاها خطة بسيطة او كبيرة بس بتشتغل من خلالها بتوجيه سليم ومن ضمن القواعد الأساسية دى هى :
- لازم تكون محدد هتشتغل فى مجال ايه بالضبط وحتى لو معندكش خبرة كافية فيه لازم تتعلم أكثر عنه علشان تقدر تختار المنتجات المناسبة فيه اللى تقدر من خلالها تحقق ربح
- اختار مجال نشاطك التجارى بدقة و اختار المجال اللى يكون عندك فيه خبرة كافية و على دراية بكل جوانبه مش مجرد يبقى الهدف منه تحقيق ربح و بس !!
-و من المهم انك كصاحب مشروع أو نشاط تجارى ، تستمر فى التعلم و تحسين امكانيات عملك ، و ده هيساعدك فى أوقات كتير انك تتحرك و تعرف توصل لحلول لمشاكلك بسرعة فى حالة وجود أى مخاطر أو فى حالة احتمالية الخسارة و تحمى رأس مالك.
انك تجذب اهتمامه و انتباهه فى محتواك أو انك تستخدم مهارة الكلام فى النقاش معاه و تقدم له معلومات كافية عن منتجاتك / خدماتك و فوائدها و القيمة اللى هتضيفها بالنسبة ليه.
تبنى علاقة سريعة مع عميلك و تخلق عنده احساس بالثقة فى جودة منتجاتك / خدماتك
-بالاضافة إلى انك لازم تبقى أهدافك مش مجرد التركيز على البيع فقط ، و لكن لازم تحدد أهداف طويلة المدى تمشى عليها و تعمل على تحقيقها و الوصول ليها.
و كمان انك تفكر فى النمو و التطور بأفكار جديدة و تستمر فى مسار النمو و تحافظ عليه و تختار الوقت المناسب لأى خطوة جديدة و كمان تعرف ازاى تواجه الخوف من الفشل أو من المغامرة
أما لو كان عندك نشاط تجارى بالفعل و شغال عليه ، من المهم انك نفكر و تخطط للتوسع جغرافيا فى مناطق أو حتى دول مختلفة وتجذب شرائح عملاء جديدة ، و ده على حسب حجم نمو مشروعك و استقرار معدل الربح و العائد
و انك تتأكد من جودة و تماسك نظام الادارة الخاص بيك و هل هيتناسب مع وجود فروع جديدة و التوسع فى مناطق أكتر
و عشان كده لازم :
-تجهز خطة عمل Business plan لشكل و حجم التوسع و المناطق المستهدفة بالنسبة ليك و مصدر التمويل اللى هتحصل عليه و حجم الاستثمار و الانفاق على تنفيذ الخطة دى
-تحدد السوق الجديد المستهدف و اللى هتقدر تحقق منه أهدافك و هتنجح من خلاله فى خطة النمو و التوسع
-تحدد استراتيجية تطوير المشروع و هامش الربح و معدل المبيعات لمنتجاتك / خدماتك
-فكر فى مدى احتياجك لمستثمر / شراكة / تعاون و تكامل مع جهات أو خدمات أخرى لمشروعك
-تحدد استراتيجيات التسويق و قنوات التوزيع و البيع و وسائل الترويج و طرق جذب عملاء جدد
-اعرف أهداف منافسينك و هل أهدافك مشابهة ليهم و ازاى تتفوق عليهم و تسبقهم.
-انشىء قنوات تواصل مختلفة مع عملائك تعرض فيها محتويات و مميزات منتجاتك و تجذب ليها زوارك و تقدم من خلالها محتوى و معلومات للمستخدمين ليه علاقة باللى بتبيعه و تقوم من خلالها بعملية الترويج و التسويق
-استخدم تقنيات البيع المختلفة : منهم فى مرحلة ما بعد البيع عشان توفر فرصة ان عميلك يشترى منك مرة تانية و تثير اهتمامه بمنتجات جديدة زى استراتيجية الـ UP Sell ، و تقدم له خيارات اضافية تخص المنتج اللى اشتراه و مميزات يقدر يحصل عليها من خلال المنتج اللى بتعرضه عليه ، و استراتيجيات أكتر فى مراحل مختلفة من عملية البيع تقدر تعرفهم من هنا
-اهتم انك تعرف آراء عملائك بإستمرار عشان تحسن من أدائك و من جودة منتجاتك بشكل مستمر و جمع الاقتراحات و التعليقات و حتى الانتقادات عشان تتعلم من أخطائك و توصل لرضاء العملاء و الزبائن و تطور من نشاطك / أعمالك
-اهتم بتقييم و قياس النتائج فى كل مرحلة بتمر بيها و مع أى استراتيجية بتنفذها أو بتجربها لأول مرة و اختبرها و شوف نتائجها على مبيعاتك و مع جمهورك و من المقاييس اللى ممكن تعرف بيها معدلاتك و نتائجك فى كل فترة و كل مرحلة:
-Customer Acquisition Cost - CAC تكلفة الحصول على العميل
-Lifetime Value -LTV متوسط عمر العميل - معدل / فترة الاحتفاظ بيه
-Return on Investment - ROI العائد على الاستثمار / على مبيعاتك
-Bounce Rate معدل الارتداد
و غيرها من المقاييس زى معدلات طلبات الاسترجاع للمنتجات و التكلفة لكل عملية بتتم و العائد منها.
مواضيع ذات الصلة :
-COGS - COST OF GOODS SOLD- تكلفة البضاعة المباعة ... اقرأ المزيد
-PRODUCT PRICING STRATEGIES 1 - استراتيجيات التسعير الجزء الأول ... اقرأ المزيد
