ايه اللى بيميز منصة تجارة الكترونية عن غيرها

ايه اللى بيميز منصة تجارة الكترونية عن غيرها ؟

كل منصة للتجارة الإلكترونية ليها مميزاتها المختلفة عن باقى الأنواع

فهتلاقى فيه wordpress وهتلاقى برمجيات خاصة مختلفة سواء بتعملها شركات أو موجودة بسعر رخيص على الإنترنت

و عشان تختار المنصة المناسبة ليك ولشغلك وتتأكد إنها مش هييجى يوم تزعلك فيه

اتأكد ان يبقى فيها :

البرمجة بتاعتها تكون native وتكون بـ PHP وده بيوفر منصة قوية وتقدر توفر لها حماية وتقدر تزود وتعدل فيها فى المستقبل براحتك

-دعم للعملات و التسعير عشان تقدر تغير فى الرسوم اللى بتضيفها على المنتجات حسب الموقع الجغرافى للعميل

-الفهرس أو الكاتلوج الخاص بمنتجاتك هيخدم احتياجات عملائك و انهم يقدروا يختاروا و يحددوا مواصفات معينة فى المنتج اللى عايزينه

و انه يكون بيربط بين الصفحات الداخلية للمنتج أيا كان مكانه على الـ platform

-دعم لخدمة الشحن اللى هتفيدك توصل منتجك فى أسرع وقت للعميل بدون تأخير

-تحليل لمؤشر أداء الـ business بتاعك زى الـ charts اللى بتبينلك معدل الزيارات و التفاعل و عدد الطلبات و عمليات الشحن اللى تمت

-ربط منتجاتك بوسائل التواصل الاجتماعى المختلفة زى facebook و انستجرام و انك تقدر تعرض منتجاتك فى نفس الوقت عليهم عن طريق الاعلانات

-نظام محاسبى و ضريبى يساعدك فى تنظيم عمليات البيع و الشراء و ملفات الحسابات و الفواتير و المخازن

-خيارات دفع زى الـ paypal و الـ visa و ده هيفيدك كمان لو فكرت تفتح بيه أسواق فى الخارج هتلجأ لخيارت دفع متعددة

-امكانية متابعة العملاء و متابعة عملية البيع و الشراء عن بعد و انت فى مكانك

مواضيع ذات الصلة :

ايه اللى بيميز منصة تجارة الكترونية عن غيرها ؟