ازاى تستخدم موقعك الالكترونى فى التسويق و الانتشار على المنصات المختلفة ؟
واحدة من المنصات الاعلانية اللى تقدر منها تسوق للبراند و المنتجات اللى بتقدمها و تعلن عنها من خلال حملة تسويقية بأكتر من شكل هى منصة جوجل أدورد اللى بتتميز بإنتشارها و ده لأن جوجل من أشهر و أكثر محركات البحث استخداما على مستوى العالم.
جوجل أدورد بيسمح بظهور اعلانك على المواقع الصديقة ليه زى youtube و gooogle play و search engine و غيرها من مواقع و محركات البحث.
وهيفيدك بنتائج تحليل لموقعك من عدد الزوار عليه و اكتر المواقع اللى كانت / اتحولت منها الزيارات و اللى هتقدر منه تعمل اعادة استهداف للزوار من خلال ربط موقعك بأداة التحليل google analytics اللى بتقدمها جوجل.
الاعلان على جوجل أدورد بيضمنلك البيع أكتر من الاعلان على الفيس بوك اللى بيساعد على شهرة و انتشار العلامة التجارية و المنتجات المختلفة و بتكون الاعلانات مبنية على البحث على عكس اعلانات الفيس بوك اللى مبنية على اهتمامات المستخدمين
و عشان تعمل اعلان على جوجل أدورد لازم فى الاول يبقى عندك موقع أو متجر الكترونى أو صفحة فيس بوك أو مدونة
و ممكن من خلاله تستخدم نوعين من الاعلانات المدفوعة بالبطاقة الائتمانية visa أو غير المدفوعة عن طريق الأرشفة فى جوجل و المنافسة فى الظهور من خلال البحث بالكلمات المفتاحية
النوع الأول : الاعلانات الغير مدفوعة بتكون عن طريق الكلمات المفتاحية اللى بستهدفها فى موقعك الالكترونى و ده بيسمى الـ SEO أى تهيئة محركات البحث و بتبقى نتائجها على المدى الطويل حسب قوة المنافسة فى مجالك و بتحتاج لتحسين و تطوير فى موقعك بإستمرار على محرك البحث
النوع التانى : الاعلانات المدفوعة اللى بتكون نتائجها سريعة و ملحوظة و بتعتمد على نظام المزايدة بين المعلنين فى نفس مجالك و اللى بتقدموا منتجات مشابهه ليك.
و بتحدد فيها جمهورك المستهدف و مكان ظهور الاعلان وكمان مدته و أوقات ظهوره فى اليوم
و تكلفة الاعلان بتبقى مقابل الكليك / النقر عليه من العملاء أو مستخدمين محركات البحث و ممكن تحددله ميزانية أو تبقى مفتوحة.
و من مميزات الاعلان المدفوع على جوجل أدورد انك تقدر تعدل على الاعلان فى أى وقت من غير ما يقف أو يتأثر و تقدر تعرف تكلفة كل كلمة من الكلمات المفتاحية اللى بتكون داخل محتوى الاعلان و تتحكم فى ميزانيته سواء بالنقرة لو رابط أو بالمشاهدة لو فيديو.
و كمان ميزة انك تعمل أكتر من حملة اعلانية فى نفس الوقت و تنظمهم فى مجموعات و بنتائج تحليل منفصلة
و من أشكال اعلاناته ( اعلانات محرك البحث search ads - اعلانات العرض display ads - اعلانات الفيديو )
الشكل الأول ( اعلانات محرك البحث search ads): ميزة اعلانات البحث أنها بتتيح الظهور لمستخدمين جوجل حسب الكلمات المستخدمة فى الاعلان و معدلات البحث عليها و ممكن تنفذ اعلانك بأكتر من طريقة زى call ads بإضافتك لرقم للاتصال بمجرد الضغط عليه للتسهيل على العميل التواصل معاك أو تضيف فى الاعلان العنوان و مواصفات المنتج بشكل مباشر وواضح من غير التحويل برابط لعرض معلومات و بيانات المنتج
و اعلان الـ download ده لو كان عندك تطبيق موبايل و عايز تعمل اعلان لتحميله من خلال المستخدمين فـا بتضيف فيه رابط مباشر لتحميله من google play.
الشكل الثانى اعلانات العرض display ads : و دى بتظهر للمستخدمين فى المواقع اللى بيدعمها جوجل حسب الاهتمامات و تصنيف الموضوع اللى محدده فى الاعلان
و بتكون على شكل صور أو بانرات داخل المواقع المشابهة بمجال موضوع اعلانك
الشكل الثالث اعلانات الفيديو video ads : عبارة عن فيديو اعلانى بيظهر عند تشغيل فيديوهات اليوتيوب حسب المدة و التوقيت المحدد الظهور فيها سواء فى بداية أو منتصف أو نهاية فيديو اليوتيوب و كمان حسب نوع الاعلان و الكلمات المفتاحية key words الخاصة بالمنتجات أو العلامة التجارية
بتتميز اعلانات الفيديو أنها بتجذب المشاهدين وقت تصفح و استخدام اليوتيوب و بيحقق نتائج أسرع من المحتوى النصى و على نطاق أوسع و بشكل أكبر و لكن تكلفته كمان اعلى من باقى الأنواع.
و زى ما عرضنا ازاى تستخدم موقعك الالكترونى فى طريقة من طرق التسويق من خلال منصة جوجل أدورد هنستكمل باقى الطرق بإستخدام الأنواع الأخرى من منصات السوشيال ميديا.
مواضيع ذات الصلة :
-ازاى تسوق للبيزنس بإستخدام المتجر الالكترونى ؟ ...اقرأ المزيد
-ليه اختيار منصة التجارة الالكترونية مهم لمجال الأعمال ؟ ... اقرأ المزيد
-معايير لازم تفكر فيها قبل ما تختار منصة التجارة الالكترونية المناسبة للبيزنس ... اقرأ المزيد
