الاعلان و التسويق على مواقع التواصل الاجتماعى ( منصة الانستجرام )

الاعلان و التسويق على مواقع التواصل الاجتماعى ( منصة الانستجرام )

Shimaa Asim
12 08,2020
نصائح التسويق الالكترونى
2438

اتكلمنا فى موضع فات عن نوعين من البيزنس B2C و B2B وعشان تعرف تسوق للبراند بتاعتك صح لازم تعرف نوع البيزنس بتاعك و تصنيفه و هتستهدف بيه مين عشان تقدر تحدد الـ social media platform اللى هتقدر بيها تعرف البراند بتاعتك و تعملها awareness و كمان تزود بيها حركة الدخول على متجرك و عدد الزيارات و المتابعين ليك

و من أفضل منصات تعلن من خلالها لمتجرك الالكترونى ( لنشاط تجارتك الالكترونية ) لو كان نوع نشاطك موجه للمستهلك و للعميل العادى B2C هما :

-فيس بوك

-انستجرام

-تويتر

-سناب شات

عشان تختار المنصة المناسبة لازم تعرف فين موجود النسبة الأكبر من العملاء / الزبائن اللى بتستهدفهم و ازاى توصلهم و وسائل التواصل المحببة أو المفضلة ليهم و السهلة كمان معاهم فى التعامل

و أى فئة منهم بتتفاعل مع الاعلانات و ده اللى هتعرفة بالـ teste أو بالتجربة اللى هتقوم بيها على المنصة اللى هتختارها

خلينا نبدأ بأسهل و أشهر منصة فى الوقت الحالى فى الاعلان عن معظم أنواع المنتجات بطريقة سهلة و سريعة

و تواجد كتير من البراندات المحلية و العالمية عليها ، و بتجمع بين فئات مختلفة من الجماهير و فى أكتر من دولة و جنسية و هى منصة الانستجرام ، و بتعتبر كمان ثانى أكبر و أهم موقع تواصل اجتماعى بعد الفيس بوك و تعتبر المنصة الأولى فى دول الخليج العربى ، و بتهتم شركات كتير أنها تعرض منتجاتها و خدماتها عليها و تعلن و تروج عنها

منصة الانستجرام بيستخدمها الملايين حوالين العالم و فى دول و قارات مختلفة ، و أكتر من مليار شخص بيستخدموها شهريا و ده لأنها بتضم مستخدمين بفئات متنوعة من حيث الأعمار و الجنسيات و الأنواع يعنى بنسبة كبيرة جدا هيبقى شريحة من جمهورك متواجد عليها

و أول خطوة هتعملها انك تنشىء حساب تجارى عليه Business account عشان تستفيد و تستمتع بالمميزات اللى هيقدمهالك و اللى كتير ميعرفهاش انه بيوفر تحليلات و تقييم لأدائك على الحساب و مدى تفاعل الجمهور على منشوراتك سواء فى الـ Story أو فى البوست نفسه ، و بيقدملك تقارير كاملة عن أداء حملاتك الاعلانية و نتائجها

الانستجرام بيعتمد على البوستات و المنشورات البسيطة – الخفيفة و القصيرة من الفيديوهات و النصوص و حتى الصور

و رسالة المحتوى عليه مهم تكون واضحة و مهمة عشان تضمن تفاعل الجمهور معاها و وصولها بسهولة

فا هو تطبيق مجانى و كتير بيستخدمه و بيعتبروه من أسهل المنصات فى التعامل

و تقدر تخلى جمهورك يتابعوا كل جديد عندك بسهولة و بشكل دورى و مستمر سواء فى أى تحديث أو أجدد العروض

-استخدم الاستراتيجيات المناسبة حسب أهدافك المطلوبة للتسويق الناجح عبر منصة الانستجرام و استغلها انها تكون منصة تشهر البراند بتاعتك و تبقى مصدر للتحويل و الزيارات للتسوق على متجرك و زيادة لعمليات البيع و الشراء و أوصل لعملائك أينما كانوا

-تقدر تجذب الآلاف و الملايين من المتابعين فى وقت قصير بإستخدام أكتر من أداة أو استراتيجى زى الـ Influncers – stories

واهتم بالتعامل مع المشاهير و الأشخاص المؤثرين لأنهم بيعتبروا وسيلة و أداة مهم و فعالة للترويج بشكل مباشر لمنتجاتك و خاصة لو كانوا فى نفس مجال نشاطك التجارى و ده عشان تزود معدلات المشاركة و التفاعل و تحفيز جمهورهم من المتابعين على تجربة و شراء منتجاتك

و بالاستراتيجية دى هتضيف شهرة أكبر للبراند و تضمن ليك زيادة فى مبيعات منتجاتك و زيادة أرباحك و هتعرف آراء و تقييم نسبة كبيرة من الجمهور بسرعة

-اهتم بـ Hashtags – Tags المهمة فى مجالك و أنواع منتجاتك

الهاشتاجات تكون فى حدود ( 15-20) هاشتاج منهم ( 3-5) يكونوا مرتبطين بمجالك و الأشياء اللى بيدور عليها جمهورك المستهدف

(1-3) هشتاجات خاصة بعلامتك التجارية و اسم شركتك

(5-7) أكتر الهشتاجات مشاركة بشكل عام على انستجرام

(5-7) هشتاجات متوسطة فى معدل البحث على انستجرام

مهم انك تنوع الهشتاجات بين العربى و الانجليزى فى محتوى البوستات

-ابنى علاقة مرحة و ودودة مع عملائك و متابعينك من خلال المحتوى اللى بتقدمه

-اهتم بالمحتوى المميز و الجذاب – الواضح – القصير – السهل – المفهوم و الأهم من كده انه يكون بجودة عالية

-اهتم بطريقة مخاطبة عملائك على حسب لغاتهم أو لهجاتهم و ثقافتهم المختلفة

-اهتم بمعرفة آراء عن المنتجات اللى بتقدمها و بتعرضها و اللى قاموا بتجربتها بالفعل

-اهتم بزيادة التفاعل بالمسابقات و العروض

-اطلب منهم دايما فى رسائل محتواك متابعتك و التواصل معاك

-استخدم خاصية الاعلانات المدفوعة Ads المتوفرة على منصة الانستجرام و تقدر تحدد فيها نفس تارجت جمهورك الموجوده على صفحة الفيس بوك اذا كنت تمتلك حساب عليه أو محدد جمهور معين من خلاله

-أشكال الاعلانات من خلاله بتبقى متنوعة زى :

-صور بمقاس و حجم معين

– اعلانات الفيديو بتصل لـ 60 ثانية : تقدر تعرض فيها منتجات أو عروض بشكل مفصل

– اعلانات الكاروسيل من صورتين إلى 10 صور : تقدر تستغلها فى عرض أبرز منتجاتك أو تشويق للى هيحصل من عروض جاية

– اعلانات سلايد شو سلسلة من الصور من 3-7 و تشغيلها كفيديو و اضافة نص و صوت

– اعلانات الستورى story شبيهه بإعلانات سناب شات على Instagram stories و تتم فيها مشاركة صور و مقاطع فيديو

-أنواع الحملات الاعلانية على منصة الانستجرام Ads Campaigns

-Awareness

-Reach

-Traction/ conversion

-App install

-Engagement