الـ keywords أو الكلمات المفتاحية : هى عبارة عن كلمات و جمل اللى بيكون عليها بحث بمعدل عالى من الجمهور على محركات البحث المختلفة و اللى بتكون منها محتوى متجرك / موقعك الالكترونى ولايعتمد اختيارها فقط على الكلمات و الجمل اللى عليها بحث

و الكلمات المفتاحية بتكون كلمات دلالية فى محتوى موقعك و بتجذب الزوار و المستخدمين و بتساعد على ظهوره فى نتائج الصفحات الأولى لمحركات البحث

الكلمات المفتاحية 3 أنواع :

القصيرة shortail keywords  و دى بتبقى عبارة عن كلمة أو 3 كلمات و بتبقى عليها أعلى المنافسة 

أما الكلمات المفتاحية الطويلة long tail keywords بتتكون من 4 كلمات على الأقل و بيكون المنافسة عليها أقل فى محركات البحث

مع أنها بتكون مصدر رئيسى و مهم فى الزيارات لموقعك / متجرك لأنها بتكون محددة و واضحة

أهمية استخدام الـkeywords : مش بس عشان تضيفها ضمن محتوى المتجر / الموقع

كمان أهميتها فى استخدامها فى التسويق و الترويج و الاعلانات المدفوعة و بتعتمد عليها بناء استراتيجية المحتوى الخاصة بك

و بتفيد فى انك تعرف اللى بيدور عليه الزائر أو المتسوق  و تجيب على كل أسئلته و استفساراته و كل ما كانت الكلمات سهلة كل ما كانت المنافسة عليها كبيرة 

ازاى تختار الكلمات المفتاحية و تستخدمها :

-اعمل قائمة بالموضوعات المهمة و اللى تخص موقعك أو مجال نشاطك التجارى و فكر ايه المواضيع اللى هيكون جمهورك المستهدف مهتم بيها و فكر بطريقته و حط نفسك مكان المستخدم / العميل

-حدد أقتراحات و أفكار للكلمات و الجمل بشكل مبدئى عن الكلمات المفتاحية اللى ممكن تستهدفها 

-ابحث عن الكلمات و الجمل و العبارات اللى تخص مجالك ( الموجودة على محرك البحث جوجل) و اللى بيوفرلك اقتراحات ليها بمجرد كتابتك لأول أحرف من الكلمة و هتعرف من خلاله أهم و أكتر الكلمات المشابهة بحثا

-دور على الكلمات المفتاحية بأنواعها سواء القصيرة أو الطويلة عشان تقدر تجذب أنواع كتير من الزوار و تعلى الـ lead conversion 

-اعرف ترتيب منافسينك بالنسبة للكلمات المفتاحية المتعلقة بمجالك من خلال أدوات زى  Link explorer - Ahrefs و اللى بتقدملك تحليل كامل لقائمة الكلمات المفتاحية اللى بيستخدمها منافسينك فى نفس مجالك / نشاطك التجارى

-دور على الكلمات الأعلى بحثا فى محركات البحث المختلفة سواء فى بلدك أو فى أى بلد فى العالم  و لو عايز تعرف كثافة البحث عليها تقدر تستخدم أداة Keyword planner  المجانية من محرك بحث جوجل و قارن  بين معدل النقرات على الكلمة و الـ Clicks

-حاول تختار الكلمات المفتاحية اللى عليها اقبال متوسط - عالى فى محركات البحث

-اختار الكلمات المرتبطة و اللى ليها علاقة بموقك و مجال تجارتك عشان تساعدك فى كتابة المحتوى التسويقى و تزود من قيمته و جودته

-اختار الكلمات المفتاحية فى كتابة عناوين صفحات الموقع / المتجر و ضيفها كمان فى وصف موضوع الصفحة لأنها بتظهر فى الوصف تحت العنوان فى نتائج البحث ( فى مقدمة الفقرة الأولى من المحتوى )

-استخدم الكلمات المفتاحية فى أسماء الصور و فى الـ Meta description

-اتأكد من كثافة الكلمات المفتاحية فى محتواك من خلال أداة Keyword density Checker

-تابع ترتيب موقعك / متجرك و مدى تحسن ظهوره فى محركات البحث بعد مرورة فترة من اضافتك للكلمات المفاحية و اهتم بالعوامل المختلفة و الهامة لتحسين الظهور فى نتائج محركات البحث من خلال أداة Rank tracker

أفضل الأدوات اللى هتساعدك فى الحصول على الكلمات المفتاحية المتعلقة بمجالك : 

-أداة Google search console بتقدملك تقارير و تحليلات مهمة فى موقعك / متجرك  منها عدد الزيارات - مستوى أداء الموقع - المشاكل أو الـ bugs الموجودة فيه  - ترتيبه فى صفحة نتائج البحث على جوجل و معلومات و تفاصيل دقيقة عن جنسية زوار الموقع و الدولة أو الموقع و الأجهزة المستخدمة 

-اداة Keyword tool بمجرد ادخال الكلمة أو الجملة هتقدملك اقتراحات تساعدك فى اختيار أهم الكلمات المفتاحية اللى بيدور عليها الجمهور فى مواقع زى Youtube - bing - Amazon - ebay - play store - instagram - twitter

أهم الأدوات المستخدمة فى الحصول على الكلمات المفتاحية المختلفة :

-Keyword planner

-Google trends

-Keywords everywhere

-Keyword tool

-Keyword shitter

- هتلاقى الكلمات المفتاحية فى أسفل صفحة البحث بكلمات مشابهة و من خلال بحثك فى جوجل والاقتراحات اللى بيقدمها للكلمات الخاصة بالمواضيع المتعلقة بمجال عملك و تجارتك

- من خلال تتبعك و مراقبتك للمنافسين و دراسة مواقعهم و كلمات و جمل محتواهم هتقدر تعرف أهم الكلمات اللى بيستخدموها لجذب زوارهم

-تجنب المبالغة فى استخدامك للكلمات المفتاحية و من غير تكرار لأن ده ممكن يأثر بشكل سلبى على موقعك و لا يتوافق مع  سياسة محركات البحث زى جوجل و لا تستخدم أكتر من كلمة فى نفس الصفحة

-استخدم الكلمات القريبة من محتوى موقعك عشان يبقى معروف و مفهوم لمحركات البحث

-اختار أفضل الأماكن فى الموقع / المتجر لاستخدام و اضافة الكلمات المفتاحية فى العناوين الفرعية و الثانوية و فى وصف الصفحة من ( 150 - 200) كلمة تتكون منهم الكلمات المفتاحية

المواضيع ذات الصلة :

-ازاى تكتب محتوى تسويقى لمتجرك الالكترونى - الجزء الأول حدد أهدافك ... اقرأ المزيد 

-كيف تنجح فى عملية التسويق على الانترنت لنشاطك ومشروعك - خطوات عامة ... اقرأ المزيد 

-السوق الجزء الأول - تعلم كيف تنافس في التجارة الالكترونية... اقرأ المزيد