يعنى إيه CTA وليه مهم فى الصفحة الرئيسية لمتجرك بشكل خاص

الـ  CTA أو Call To Action .. ده بيبقى القرار النهائى من العميل إنه يختار بإنه يـ Click على Action ما ( يشترى – يسجل بياناته – يدخل صفحة معينة – يدخل قسم معين )

 وهنا انت بتواجه حاجتين :

- العميل هيشترى بالفعل .. وهنا مش بيبقى محتاج إلا button  واضح بيدخله فى عملية الشراء .. ولازم تخلى عملية وخطوات الشراء سهلة وبسيطة عليه بدون أى تعقيدات أو صفحات كتيرة بيدخلها علشان يختار المنتج ويحطه فى سلة الشراء ويحط بيانات الشحن ويدفع أو يتمم عملية الشراء

كل ما كانت الخطوات أسهل ومش طويلة كل ما نجحت فى إقناع العميل

- العميل متردد لسه أو مقتنعش ومش هيشترى دلوقتى .. بس هو دخل بالفعل الصفحة فهو مهتم وهنا بتطلب منه يسجل أى من بياناته الأساسية ( إيميل – رقم تليفون ) بحيث تقدر تستهدفه فيما بعد برسالة تسويق مختلفة بالمنتج ده

طيب إيه هى صور الـ CTA :

- إن العميل يشترى ( إشترى الأن ) ( سارع بالحصول على الخصم )

-إن العميل يسجل بياناته أو حساب له ( سجل الأن حسابك وإحصل على كوبون مجانى ) ( سجل الأن وإستفد من الخصم لمدة عام )

- إن العميل يسجل إيميل او رقم تليفون  ( سجل معنا ببريدك الإلكترونى – رقم جوالك .. للحصول على كذا و كذا وكذا )

- إن العميل يسجل معاك ويجرب تجربة مجانية

- ان العميل يحمل شئ معين مقابل ميزة ما او مجانا

لكن الـ CTA بيسبقه عملية دراسة وتحليل للجمهور المستهدف .. بتدرس الـ Behavior الخاص بيه .. سلوكه الشرائى .. المنافسين بيعملوا ايه عندهم

وعوامل كتيرة بتحكم إختيارك لـ الـ CTA  المناسب وأوقات بيكون حسب طبيعة المنتج نفسه اللى بتبيعه وسلوك شرائه

هل المنتج ده سهل إن العميل ياخد قرار فى شرائه من أول مرة لو كل البيانات واضحة واللى بيدور عليه موجود ؟! ولا المنتج أو العميل اللى انت بتستهدفه بيحتاج لإقناع أكثر ورحلة تعليمية أو مميزات تظهر له بشكل ما أو ضمانات بتتقدم له علشان ياخد قرار الشراء أو حتى تسجيل بياناته !

وهنا هنعطى ليك بعض النصائح اللى هتفيدك فى كيفية الوصول لـ الـ CTA   المناسب ليك

- إبدأ بـ Header هو أول جزء فى متجرك وممكن يحسم قرار عميلك إما إنه يكمل أو يخرج أو ممكن متقدرش تجذب إنتباهه ليك

- خلى الـ Header تصميماته تكون واضحة وبرسالة مباشرة .. وإظهر فيه أفضل ما عندك فى اللى بتقدمه سواء ( عروض وخصومات خاصة ) ( منتجات مميزة جدا متوفرة عندك بجودة وبمميزات عميلك بيبحث عنها ) .. وخلى فيه Action فى الـ Header إما بالتسجيل أو ببدء عملية الشراء

- إظهر أفضل منتجاتك اللى لها قبول ورغبة عند جمهورك .. سواء بأقسام معينة من المنتجات والمنتجات اللى بتحتويها .. أو منتجات متفرقة منوعة لكن الطلب والبحث عنها كبير ويُفضل إن المنتجات اللى هتظهر فى الـ Home يكون عليها عرض تشجيعى .

وفى النهاية خلينى أقولك ان عملية بناء معادلة لتشجيع جمهورك على مزيد من التواصل مش بتنتهى ولا بتخلص .. ممكن تكرر نفس الأساليب من تانى لان أكيد إنت بتتعرض لجمهور جديد بيدخل للمتجر الخاص بيك بإستمرار أو كل فترة .. ممكن تعمل لها دورة معينة بيمشى فيها عميلك بداية من دخوله لاول مرة والتعامل معاك وبتقسمها حسب إحتياجه أو على حسب المواسم الخاصة بالسنة أو الكماليات اللى بتبقى حوالين منتجك أو مرات إستخدامه المتكررة لمنتجك لو ليه فترة إنتهاء

الـ CTA هى عملية نجاحها بيتوقف على حسن دراستك وتحليلك لجمهورك المستهدف ومدى فهمك له ولإحتياجاته وحياته

مواضيع ذات الصلة :

-كيف تنجح فى عملية التسويق على الانترنت لنشاطك ومشروعك - خطوات عامة... اقرأ المزيد 

-السوق الجزء الأول - تعلم كيف تنافس في التجارة الالكترونية ... اقرأ المزيد 

-SALES FUNNEL - خدع ونصائح عن جذب العملاء B2B ... اقرأ المزيد