Facebook Pixel ( تعريفه – فائدته – إستخدامه )

Ahmed Abd El Rahman
15 06,2020
نصائح التسويق الالكترونى
2072

هو أداة تحليلية فى شكل ( كود برمجى ) بيتم إضافته من خلال الحساب الإعلانى الخاص بك .. إلى موقعك أو متجرك الإلكترونى . ومن الأدوات الفعالة والمؤثرة بشدة فى بناء قاعدة لعملائك و زوار موقعك واللى بتنعكس بأثر إيجابى على زيادة المبيعات

بيساعدنا نقيس مدى فاعلية حملاتنا التسويقية اللى بنعملها على السوشيال ميديا

واللى من خلالها بنوجه العملاء لزيارة المتجر وبدء التفاعل معه سواء بالتصفح أو بشراء المنتجات

بنقدر من خلالها نعرف :

سلوك العملاء داخل المتجر وإيه اللى تفاعلوه عليه
ايه المنتجات اللى تم شرائها داخل صفحة معينة عن غيرها من الحملة اللى إنت عملتها على المنتجات دى
العميل رحلته فى موقعك ومتجرك كانت فين

وده هيساعدك على تحسين متجرك من أول الـ home الخاصة بيه والمعروض فيها سواء كتصميمات بتساعد على إن العميل ياخد CTA تجاه متجرك ومنتجاتك وفى نفس الوقت تحسن تجربة المستخدم أكثر وتعرف إيه اللى ممكن يكون عامل ليك مشكلة فى متجرك أو هو ميزة قصاد عملائك

وهتقدر تستفيد منها كمان :

هتقدر تقيس نتائجك بشكل أدق
هتقدر تحسن من دقة إستهدافك للعملاء عن طريق الحملات الإعلانية الجديدة .
تقدر تستهدف عملاء زاروا موقعك بشكل معين وخاص .. بحيث تقدر تستهدف وتعمل إعادة إستهداف للعملاء اللى زاروا الموقع بس مشتروش .. أو ممكن تستهدف العملاء اللى قاموا بعملية الشراء بس مكملوهاش

إزاى أقدر أفعلها عندى وأستخدمها إزاى ؟

أولا : إن لازم يكون عندك ( متجر إلكترونى ) خاص بالمنتجات اللى بتشتغل فيها أو الخدمات اللى بتقدمها

ثانيا : هتقدر من خلال اللينك ده فى الـ AD Manager الخاص بيك :
توصل لـ Pixels واللى هتقدر تلاقيها لما تضغط على Data Sources فى الـ AD Manager وبعدين تختار منهاConnect a Data Source ( مربع أزرق فى منتصف الشاشة ) ده فى حالة لو أول مرة تعمل الـ Pixel

ثالثا : هيظهر أمامك 3 إختيارات

Web – app – offline .. واللى هيهمك هنا أكثر هو الـ web لأنك عايز تربط متجرك بالفيسبوك .. لما بتكمل الخطوة دى بيطلب منك تسجل إسم الـ Pixel ولينك المتجر الخاص بيك

رابعا : بيظهر ليك code وبيطلب منك تحطه فى مكان معين فى كود أى صفحة انت عايز تعمل تتبع للعملاء اللى هيقوموا بزياراتها فى المتجر الخاص بك
خامسا : بعد ما بيتم تركيب الكود داخل الموقع بيطلب منك تعمل test للتأكيد .. فممكن وانت بتسجل الـ Pixel وبتأكد على الـ Test الخاص بيك إنك تطلب إنه يتتبع CTA معين فى الـ PAGE اللى إنت ربطته بيها واللى إختياراته ممكن تتنوع ما بين Sign أو Buy أو Add To Cart أو الزوار العاديين اللى مأخدوش حتى أى Action على البيدج

وبالتالى إنت ممكن تعمل أكثر من Pixel علشان تتبع أكثر من actionلزوار موقعك وبالتالى تحدد أكثر عملائك وتقدر تميز كويس بينهم فى فئات استهدافك فى إعلاناتك الجاية

فتقدر هنا تعمل عروض خاصة للعملاء اللى إشتروا بالفعل وممكن تبيع لهم منتجات مكملة للى إشتروها أو إضافات معينة

وتقدر تستهدف الزوار اللى زاروا موقعك من غير ما يشتروا بعروض وخصومات تحثهم على التفكير فى الشراء

وهكذا الإستراتيجيات الخاصة بإعادة الإستهداف لا تنتهى بس كلها بتبدأ من إنك إزاى توصل تانى للعملاء والزوار السابقين وده من مميزات الـ Pixel

كده عرفت إزاى تفعلها عندك .. إزاى بقى تستخدمها تانى ؟

فيه إستخدامين تقدر تستفيد من خلالها بـ Pixels

أول إستخدام : إنك بتقدر تستخرج تقارير فى شكل Excel لكل Pixel إنت عملته وبالتالى هتعرف وتقدر تحلل سلوك عملائك على المتجر

ثانى إستخدام : إنك تقدر تعمل إستهداف وtarget تشتغل بيه إعلانات جديدة لكل Pixel حسب الغرض اللى إنت هتعمل الإعلان علشانه واللى إتكلمنا عنه فى ( خامسا )

هتقدر تعمل ده برضه من نفس المكان على Data Sources فى الـ AD Manager وبعدين تختار منهاConnect a Data Source

وهتختار Create وهيظهر ليك عدة إختيارات بتتيح ليك إما إنك تستهدف بالإعلان ده إما نفس الناس اللى متسجلين فى الـ Pixel المعين اللى إنت هتختاره

أو تستخدم البيانات المسجلة فى الـ Pixel علشان تحسن من إستهداف فى الإعلان

أو إنك تستخدم الـ Pixel علشان تعمل بيه Lookalike target وتستهدف ناس ممكن يكون محتمل إنهم يتفاعلوا أكثر على حملاتك الإعلانية

لو عندك أى إستفسار أو مشكلة بخصوص إعلاناتك تقدر تكلمنا مباشرة وهنساعدك فيها