التسويق للمنتج - Product Marketing - الجزء الثاني - Landing page
فيديو عن كيفية انشاء صفحة خاصة لبيع المنتج علي متجرك
من هنا تعرفنا علي مقدمة عن التسويق للمنتجات للتجارة الالكترونية
زي ماشفنا في الفيديو ان الموقع أداة قوية للتسويق وان فيه tricks مهمة في صفحة المنتج بس.. انهاردة بنكمل كلامنا من ناحية website tricks.. خلينا نكون عارفين ان الموقع وظيفته الأساسية هو تحويل الزوار الي عملاء....ومش بس كده لا.. الموقع الناجح هو اللي يحول الزائر الي عميل من أول زيارة... أو على الأقل يكون مستخدم User مسجل على الموقع بالبيانات الأساسية زي الايميل او رقم التليفون
عشان نقدر نفهم ده كويس وننفذه صح لازم تفهم حاجة مهمة جدا... ماهو سبب الزيارة؟
الزائر الجديد زي الضيف بالظبط.. لازم يلاقي ترحاب في الموقع عشان يفضل موجود فترة طويلة ومش بس كده... لا كمان يكون مرتاح على الآخر... لما بتدخل المول... اللي هو في رأيي المنافس الحقيقي لموقعك... بتلاقي ديكور شيك ومساحات واسعة للمشي والتحرك... طريقة عرض المحلات وحاجة العميل مهمين اه... لكن الأهم وجود العميل وارتياحه للمكان... مش شرط إطلاقا يكون زائر المول هايشتري ممكن يكون داخل يتمشى... بس المهم هنا انه لما يشوفك يفتكرك... عشان يشتري المرة الجاية.
الموقع بتاعك زي المول بالظبط ... لازم يكون شيك وصور جذابة ... لإن الصور في الموقع هي اللي بتبيع ... هي اللي بتجذب العميل أنه يشتري ... أنه يتفرج علي المنتج ويتأكد منه .. وكل لما تكون صورة طبيعية بس طبعا لازم تكون ممتازة ومحترفة كمان عشان تبيع بسهولة
تعرفنا أكثر في الفيديو على:
1. التسلسل للاقسام – Breadcrumb :
وهو يبدا من أول قسم الى اخر قسم مثل:
الملابس/رجالي/بنطلونات
مستلزمات المنزل/ البقالة/ الأجبان
فهي مفيدة جدا للتنقل بين أقسام الموقع بسهولة
2. إسم المنتج:
الذي يتكون من شرح مبسط لكل مزايا المنتج مثل الموديل واللون ونبذة عن المميزات فمثلا:
الهواتف : موديل الهاتف وماركته Iphone X – ثم اللون – ثم المساحة التخزينية
الملابس: موديل المنتج وشكله – تي شيرت نص كم – لونه – خامته او الموسم صيفي او شتوي او ربيعي
وهكذا
3. الصور – السلايدر:
عرض الصور – او فيديو عن المنتج
لابد ان يكون عارض الصور مناسب للصفحة وأيضا صور مناسبة لمنتجك بجودة واضائة قوية, لن تشعر بالمبيعات اذا كنت تستخدم صور متوسطة الجودة, حسن مستوى صور موقعك وسترى الفرق
4. وصف قصير لمنتجك:
لا تجعل عميلك ينزل الى اسفل الشاشة, فهو لابد أن يرى جميع مايريده عن منتجك بدون النزول الى اسفل
فوصف قصير من سطرين او ثلاثة فعال لكي يحقق مبيعات اسرع
5. زرار Add to cart – اضف الى السلة:
لابد أن يكون مختلفا واضحا للعميل – يفضل اللون الأخضر أو اي لون مختلف عن باقي ألوان صفحتك الا اللون الأحمر – ابتعد عن الأحمر
6. بيانات الشحن:
متى سوف يصل المنتج – سعر الشحن وطرق الشحن المتاحة
7. بيع منتجات مرتبطة – Cross sale
هناك اكثر من طريقة لاسترضاء عميلك وتوضيح انك تمتلك منتجات اكثر من نفس الفئة مثل
الوان مختلفة
مقاسات مختلفة
ذاكرة مختلفة – في الهواتف والتكنولوجيا – وهكذا
8. عملية شراء أكبر – Up sale
لكي تكبر من حجم عملية الشراء لابد من:
ربط المنتج بمنتجات مكملة – Related products - مثل الساعات والسماعات للهواتف – الحوامل للشاشات – المبردات والماوس للاب توب وهكذا
ربط المنتج بمنتجات تباع مع المنتج – Frequently sales – مثل تي شيرت مع البنطلون المختار – جوارب مع الكوتشي – سماعات مع الهواتف وهكذا
9. تستطيع ايضا وضع:
تعليقات المشترين وارائهم بالصور او الفيديو
شرح اكبر وادق للمنتج بالفيديو او الروابط مع اثبتات قدرة المنتج مثل التحمل والتصوير وهكذا
منتجات من نفس القسم او منتجات من اقسام اخرى – لكي لا يخرج تماما من الموقع
