ليه الـ sitemap مهمة لموقعك / متجرك الالكترونى و ازاى تفعلها

الـ sitemap  أو XML  ( خرطة الموقع )  هى من الأدوات المهمة و الأساسية لأرشفة موقعك / متجرك الالكترونى بشكل تلقائى على محركات البحث المختلفة زى جوجل ، بكل روابط الصفحات الداخلية للمتجر و بتكون زى خريطة داخلية لمحتويات و عناصر الموقع / المتجر الالكترونى ، عشان يتحدد بشكل تلقائى أماكن الأقسام و المنتجات الحالية و اللى هيتم اضافتها كل فترة و بكده هتكون دائما محدثة ، و ده يتعتبر من العوامل الرئيسية للـ SEO  ( تحسين الظهور على محركات البحث)

و اللى بدوره هيساعدك على الظهور فى نتائج الصفحات الأولى لمحركات البحث و ظهور منتجاتك للمتسوقين و العملاء بسهولة 

أما مهمتها انها بتكون عبارة عن أداه أو ملف بتسهل على محركات البحث الوصول لموقعك / متجرك و كل محتوياته ، بتقوم بتصنيفها و أرشفتها بسرعة و بسهولة و بتكون قائمة فيها كل الروابط اللى محرك البحث ( جوجل) بيقوم بإدماجها للأرشفة و التعرف عليها و اتاحتها للظهور للمستخدمين 

فا لو كان موقعك / متجرك بيحتوى على عدد كبير من الصفحات ، فا عن طريق الأداة دى هتكون عملية الارشفة تلقائيا سهلة بكل أقسام و صفحات المتجر على محرك البحث

و لو كان متجرك جديد و بيتكون من عدد صفحات قليلة و روابط خارجية محدودة فالـ sitemap هتحل ليك المشكلة دى و هتسهلها عليك و فى أقل وقت أو مجهود و هتم بشكل تلقائى من غير خطوات أو تعقيدات و هتحسن تدريجيا من عملية الـ crawling أو الوصول للموقع / المتجر.

أما عدم وجود الأداة دى على متجرك أو فى حالة عدم استخدامك ليها ، فا ده هيقلل بشكل كبير جدا من وجود زوار على متجرك و معدل الزيارات و التصفح بشكل عام و خصوصا من العملاء اللى بيكونوا عن طريق محرك البحث و بالتالى عدم ظهور منتجاتك فى أى صفحة من صفحات نتائج البحث

أداة الـ Sitemap ( خريطة الموقع ) ممكن توصلها و تفعلها بخطوات سهلة و بسيطة هنقولك عليها  :

-تقدر تنشأ ملف السايت ماب داخل موقعك عن طريق أداة ( https://www.xml-sitemaps.com/ ) و هى  أداة مجانية من خلال اضافة رابط الموقع فى خانة ( Your website URL ) و الضغط على ( Start ) و هتقدملك لينك و ملف جاهز لخريطة موقعك و كمان تقدر تساعدك  فى تحسين SEO المتجر / الموقع الخاص بيك 

-ادخل على أداة Google search console و اذا كنت اكملت خطوات اثبات الملكية لموقعك من خلالها أو فى بداية استخدامك للأداة دى لأول مرة ، تقدر تستخدمها من الرابط https://search.google.com/search-console ) 

و هنعرضها ليك فى موضوع منفصل و خطوات محددة    https://www.youtube.com/watch?v=JlamLfyFjTA 

-اضافة الرابط اللى حصلت عليه من موقع (https://www.xml-sitemaps.com/ ) فى أداة الـ console  من خلال القائمة الجانبية و الضغط على الـ sitemap ثم رفع الملف و الضغط على تأكيد و سيتم اضافتها فى الحال و تفعيلها فى نفس الوقت 

*و من الأفضل تجديدها و الحصول على خريطة موقع محدثة و مختلفة كل 6 أشهر على الأقل من خلال اتباع نفس الخطوات السابقة 

أما فى حالة وجود موقعك / متجرك على الورد بريس word press ، من خلال اضافة ( /sitemap.xml) إلى نهاية رابط موقعك، على سبيل المثال (www.domainname.net/sitemap.xml)

مواضيع ذات الصلة :

-ابدء تجارتك الالكترونية الان - الجزء الأول ... اقرأ المزيد

-يعنى إيه CTA وليه مهم فى الصفحة الرئيسية لمتجرك بشكل خاص ... اقرأ المزيد 

-عناصر إحترافية فى متجرك LANDING PAGE ... اقرأ المزيد