ابدء تجارتك الالكترونية الان - الجزء الأول

في المقالة ديه هنتكلم عن يعني ايه تجارة إلكترونية
ايه العناصر اللي هاحتاجها عشان ابدأ
وايه اول خطوة في بداية تجارتي
اول نقطة هنطرحها انهاردة يعني ايه تجارة الكترونية
انت اكيد بتسمع عن امازون على بابا وسوق دول بنسميهم ماركت بليس
وطبعا مواقع تانية لماركات عالمية ومحلية زي اديداس و H and M و lcwaiki وخطوة ودول بنسميهم سينجل فيندور
يعني امازون مثلا عامل متجر كبير جدا تحت مسمى الماركت بليس تجار أو مالتي فيندورز متعدد التجار كتير بيبيعو عليه
منهم المستعمل ومنهم الجديد
التاجر يروح يفتح حساب على الموقع بيقدم طلب وبيملاه
فيه شروط بيطلبها المتاجر ديه زي السجل التجاري والبطاقة الضريبية وأحيانا ان يكون المنتج بتاعك عنده في الوير هاوس
يعني ايه وير هاوس... مخزن كبير بيدير فيه عملية التخزين والمعاينة والتعبئة والتكويد قبل الشحن
شوف الفيديو ده عشان تفهم اكتر...

يعني حضرتك بتحط بضاعتك عنده عشان اول لما يجي طلب على الموقع هو يطلعه من الوير هاوس بتاعه و ينفذه على طول ويشحنه للعميل اللي طلب
ويبلغك بالتفاصيل اول بأول
طبعا هو بيحقق ربحه انه بياخد نسبة منك على كل طلب وممكن كمان يكون عنده ادارة شحن فبيستفيد من مكسب الشحن
وفيه طريقة تانية ان البضاعة تكون عندك في البيت أو مخزنك وتقوله عنوانك أو pickup Point احيانا بياخد منك مصاريف للبيكاب ده حسب منتجك لانه بياخده منك وبيروح يوديه للوير هاوس بتاعه وممكن يفتحه يتأكد ان كله تمام أو ممكن يشحنه على طول على العميل اللي طلب المنتج
هم دايما مسئولين عن التسويق وإدارة الشحن والتخزين بمقابل نسبة أو ممكن انت تشحن حاجتك زي بعض السلع المعمرة لأنها بتحتاج عمالة مدربة وفي الغالب هو مش بيبقى عنده ده
هنا لازم تعرف ان الشغل مع المتاجر ديه مش سهل خالص وليه شروط وضوابط مهمة جدا عشان تعرف تكسب كويس
وهنا ممكن نفتح مجال للأسئلة لأي حد عاوز يعرف تفاصيل اكتر
النوع التاني من المتاجر انك انت نفسك يبقي عندك موقع وتبيع عليه يعني سينجل فيندور أو تاجر واحد
وهنا انت مسئول عن كل حاجة
التخزين
والشحن
التسويق
ومتابعة العملاء بتوعك
وعشان تعرف تظبط العملية ديه كلها هتحتاج موقع عشان التنظيم مهم جدا في البداية
طبعا الموضوع مش سهل في البداية لكن جميل جدا وشييق والسوق كبير اوي ومحتاج بس انك تفهم كويس ازاي تدير العملية ديه