أخطاءشائعة فى التجارة الالكترونية - الجزء الأول

فى بداية انشاء أى تقنية جديدة أو تحويل نشاط تجارى للعمل من خلال منصة الكترونية وارد يكون فيه أخطاء، و خصوصا لو كان من خلال متجر الكترونى ، فا بيبقى مطلوب انك تقلل من وجود أخطاء و مشاكل عليه ، فى محتوياته و عناصره و تتأكد من مدى استجابته أو تحقيقه للهدف اللى انت عملته عشانه ، و عشان تتجنب الأخطاء دى لازم فى البداية تفكر فى تجربة عميلك أو المتسوق داخل متجرك الالكترونى  و تحسن تجربته الشرائية على متجرك و دى متوقف على مجموعه نقاط و هى :

-اختيار المنصة الخطأ أو غير المناسبة من حيث الشكل و التصميم و البناء :  منصة التجارة الالكترونية الخاصة بك بتأثر على المصداقية و الثقة من عملائك و زوار موقعك ، عشان كده استخدامك لمنصة موثوقة و مجربة و شاملة عناصر الأمان هتضمنك تجربة ناجحة لعميلك

لازم تهتم بنوع و شكل المنصة اللى هتختارها عشان تبدأ من خلالها عرض منتجاتك و شغلك الأون لاين ، من حيث مدى الامان اللى موجود فيها - لغة برمجتها سواء كانت على الـ wordpress  أو بنظام الـ laravel - الاضافات و الخصائص  المتوفرة فيها و مدى تكاملها مع أدوات و وسائل تانية انت محتاجها 

وتكون بتتميز بتصميم جذاب و محترف لجذب المتسوق و تشجيعه على الشراء و تكون منصة بتوفر تحديثات و قابلة للتطوير و قادرة تستوعب قدر كبير من المنتجات اللى هتعرضها من خلالها ، تصميمها يكون سلس و توفر امكانية البحث و الحصول على المنتجات أو المعلومات اللى عميلك أو الزائر محتاجها منها بسهولة و وضوح زر الشراء و سهولة التنقل بين الصفحات و التحويل من صفحة لأخرى 

كمان معدل تحميل المتجر Loading ، مهم انه يكون مش بطىء و تحاول تقلل على قدر الامكان الوقت اللى بينتظر فيه المستخدم أو المتسوق فى وقت التحميل للانتقال من صفحة لصفحة داخل المتجر ، و ممكن تستخدم أداوات تساعدك فى قياس مدى سرعة موقعك و اختبارها زىpage speed insight و أدوات الكترونية مشابهة ليها فى نفس الهدف

و الاهتمام بمدى بساطة أو تعقيد الموقع و صعوبة التعامل معاه و التركيز على جعل تجربة المتسوق للمتجر سهلة و بسيطة ، بالاضافة إلى الاهتمام بعرض آراء العملاء و الـ reviews اللى تشد الانتباه و تحسن صورة البراند و تزود المصداقية و الولاء لمنتجاتك 

-ضعف جودة المحتوى : من العناصر المهمة اللى لازم تراعيها بدقة و تهتم بيها داخل متجرك الالكترونى هو المحتوى اللى بيقى متضمن فى وصف المنتجات و التفاصيل الخاصة بيها و اللى المفروض تكون شاملة كل المعلومات عنها سواء ( الحجم - الوزن - اللون - المقاس ) و غيرها من المواصفات التفصيلية حسب نوع المنتج اللى بتقدمه ، و مدى اظهارها و عرضها بطريقه جذابة سواء بالصور أو المحتوى المكتوب

و ان المحتوى الموجود على صفحات متجرك يكون له علاقة بإهتمامات عملائك و يوصل رسالتك بشكل واضح و مختصرعشان تقدر تبنى علاقة و ثقة مع عملائك و اللى تقدر توصلها و تفهمها من فهمك لجمهورك من العملاء اللى كمان بيعتبر عنصر مهم جدا فى صناعتك لمحتوى موقعك و اختيارك لمنتجاتك المعروضة و استراتيجيات تسويقها و بيعها على المتجر الالكترونى

-الرسائل الموجهه للمتسوق و الـ call to action وعدم القدرة على تحديد العميل المستهدف بشكل غير صحيح : فهم جمهورك أو اختيار جمهور معين و قدرتك على كسب ثقته فى منتجاتك و ولائه للبراند عن طريق تقديم الحلول المناسبة اللى بيقدمها منتجك له و أد ايه هو بيحل مشكلة عنده أو pain - و انك تعرف ايه هى احتياجاته و اهتماماته - مستوى ثقافته و معرفته  ، ده ممكن تحققه عن طريق اتصالك و احتكاكك بجمهورك من العملاء و و زوار متجرك الالكترونى و تحليل بياناتهم و سلوكهم عشان تقدر توجهه لهم الرسالة المناسبة ،

و ده تقدر تعرفه بأكتر من طريقة منها أداة google analytics  اللى تقدر تربطها بمتجرك و تتابع عميلك أو زوار متجرك من عليه

و ازاى هتعرضله منتجاتك و اللغة المناسبة له عشان يفهمها ، و كمان تحدد هل بتخاطب او بتوجهه منتجاتك لأفراد B2C و لا شركات و قطاع B2B

-أخطاء فى برمجة الموقع و عدم تجربتها أو تحسينها و اصلاحها : من حيث روابط الصفحات و الـerrors اللى بتكون موجود فيه و مدى ربط الصفحات داخل المتجر ببعضها لتسهيل التحويلاتtransactions ، و تحسين محركات البحث SEO دى كمان بتمثل عوامل بتأثر على رحلة عميلك داخل متجرك الالكترونى و على قدرتك فى الحصول على بيانات و تحليلات صحيحة و دقيقة لسلوك عميلك و الزوار و عدد المشاهدات على صفحات الموقع و امكانية رجوع عميلك مرة تانية لزيارة و تصفح متجرك ،  و تجنب اى عقبات ممكن تواجه عميلك أثناء تصفحه أو تسوقه فى المتجر

-من الملاحظات و الأخطاء البسيطة اللى لازم متبقاش موجودة فى منصة التجارة الالكترونية الخاصة بيك  و بيتوقف عليها بشكل كبير زيادة معدل الدخول على متجرك و نجاحه فى اتمام عمليات البيع و الشراء ، ان المتجر يكون خالى من اى اضافاتممكن تسبب انزعاج للزائر أو للمتسوق مثلا ( متجربش عميلك على التسجيل فى المتجر بأنك تزود فى الفورم Forms اللى بيتطلب منه يملاها و لا رسائل الـ POP-UP اللى تظهر قدامه بشكل متلاحق و تخليه يقرر الخروج من المتجر و عدم استكمال التصفح أو التسوق ، و عشان كده مهم انك تشجعه انه يفضل فترة أطول عليه و يسجل برغبته من خلال رسائلك التحفيزية و التشجيعية له أو القيمة و المميزات اللى هتثير اهتمامه فى متجرك و هيلاقيها فى الحلول اللى هتقدمهاله بمنتجاتك و خدماتك ، و كمان متفاجئش عميلك بتكاليف زيادة أو اضافات على طلبه خارج السعر و الشروط اللى حددتها و هو بيختار المنتج

و فى النهاية مينفعش تنسى ان اهتمامك بهوية البراند و البيزنس الخاص بيك مهم من حيث الـ logo و الـ Slogan و العناصر التانية للهوية من حيث الألوان و شخصية البراند كل دى عوامل بتمثل وجه علامتك التجارية ، و هتشكل الصورة اللى هتثبت فى ذهن عميلك و هيفتكرك بيها ، اذا قرر يرجع ليها تانى و الانطباع اللى مش هيتنسى عنك ، عشان كده خليه مميز و فريد و معبر عن اللى بتقدمه و كمان يبقى مألوف و متضمن كل المعلومات التعريفية عنك 

و تمييز علامتك التجارية عن منافسينك من حيث تركيزك على قطاع معين من السوق أو تقديم عروض مختلفة و اهتمامك باشكال المنافسة الأخر زى السعر و خدمات ما بعد البيع و الجودة و غيرها.

مواضيع ذات الصلة :

-عناصر إحترافية فى متجرك LANDING PAGE ...اقرأ المزيد

-كيف تختار متجرك الإلكتروني و مالفرق بين أنواع المتاجر ؟ ... اقرأ المزيد 

-SALES FUNNEL - MOFU - خدع ونصائح عن جذب العملاء - الجزء الثاني... اقرأ المزيد