أنواع المنصات للتجارة الالكترونية و ازاى تختارهم

فى أكتر من نوع من منصات التجارة الالكترونية و كل نوع ليه مميزاته و عيوبه  ده هنوضحه و عن طريقه تقرر انهى المناسب ليك و لاحتياجاتك و نظام شغلك :

-منصة مخصصة ليك سواء كانت  customized E-Commerce website / mobile app 

و دى بتكون منصة مصممة بإختيارك من حيث صفحات الألوان و التطوير و التحديث و الصيانة و التصميم و طرق الدفع و طريقة عرض المنتجات فيها بترسم و تتخيل شكل معين للـ platform و تطلب من مبرمج يعملها و طبعا بتكون ملزم فيها انك تعمل أكتر من اختبار عليها و تتأكد ان الموقع شغال بطريقة صح و انه فى وضع آمن و كمان تعين مبرمج يشتغل ليه و على صيانته و يعالج أى عطل فيه 

و توفر ليه الحماية من أى اختراق و بتأمن طرق الدفع للعملاء اللى بيستخدموا الـ visa  أو الـE- payment

 و بتتولى عملية انشائه و حمايته و ده بيبقى بتكلفة أكتر عليك

-منصة جاهزة Ready made platform

منصة جاهزة مقابل اشتراك شهرى / سنوى اتعملت و اتجهزت للـ E-Commerce

بتختار منصة تكون جاهزة و مهيأة للـ E-commerce  مقابل اشتراك شهرى او بتشتريها بالكامل و بتختار الشكل و الـ features  اللى عايزه و محتاجه فى عرض الـ business بتاعك و بتبقى جاهزة ليك بمجرد انك تنشىء حساب و تعرض شغلك عليها فى اسرع وقت

-منصة الكترونية من خلال الـ wordpress  أو البرمجة  wordpress E-Commerce plugins

 و دى زى form أو قوالب ممكن تنشىء منها الـ platform  الخاصة بيك من خلال واجهه بسيطة و سهلة و مش محتاجة مبرمجين و بتقدر تخطط و تصمم الشكل اللى انت عايزه أو تاخد صورة من الانترنت و تحملها بالأبعاد اللى عايزها 

بس النوع ده من عيوبه : عشان هو أكتر انتشار و استخدام لكتير من المواقع فا بيحصل عليه عمليات اختراق كتير من الهاكرز و سهل على قراصنة الانترنت اختراقه فهو بيفقد عنصر الأمان و الحماية 

كمان عملية التحديث بتكون أوقات صعبة و معقدة و لو على الـ platform  بتاعتك plugin أو اضافات فهتبقى مضطر انك تعمل تحديثات اسبوعيا و بتحتاج متابعة يومية للموقع أو أيا كان شكل الـ platform  و للاضافات اللى على الورد بريس عشان تقدر تحافظ على موقعك .

وعلى حسب مجالك أو شغلك إنت بتختار مين الأنسب ليك سواء فى مرحلة البيزنس بتاعك الحالية أو حسب خطتك للمستقبل والتطوير اللى ممكن تفكر تعمله أو تزوده فى المنصة الخاصة بيك .. وإعرف إن لكل منصة منهم عيوب تمنعك من التطوير بشكل كامل إلا المنصات الخاصة اللى معمولة بلغة برمجة و Native 

مواضيع ذات الصلة :

-معايير لازم تفكر فيها قبل ما تختار منصة التجارة الالكترونية المناسبة للبيزنس ... اقرأ المزيد 

-ازاى تستخدم موقعك الالكترونى فى التسويق و الانتشار على المنصات المختلفة ؟... اقرأ المزيد 

-ازاى تعمل خطة مبيعات ناجحة SALES FUNNEL ... اقرأ المزيد