الخطوات الأساسية فى تجهيز متجرك - الحلقة الأولى
لأننا بنشتغل على مساعدة " التجار " فى تحويل شغلهم أونلاين بأسرع وأبسط الوسائل
ففكرنا إيه اللى التاجر محتاجه فعلا علشان يشتغل أونلاين
مش الانظمة بس زى الـ Store و الـ ERP وخلافه
دول إحنا بالفعل بنوفرهم بأفضل ما يكون فى السوق المصرى وبنطورها بإستمرار
بس اللى التاجر محتاجه أكثر هو إزاى أشتغل بالحاجات دى ؟
إزاى أوظفها صح وأستغل الادوات دى فى تجارتى
علشان كده إحنا قررنا نقدم سلسلة جديدة " دليلك لتجهيز متجرك "
هنشرح فيها بالتفصيل وبكل بساطة إزاى تشتغل كـ " تاجر " بتبيع على السوشيال ميديا ومعندكش خبرة كبيرة فى التسويق والإعلانات أو المتاجر أو عندك " محل – معرض .. إلخ "
وعايز تنقل شغلك أونلاين ومفيش ليك سابق تجربة أونلاين
- السلسلة دى لمين ؟
مش للمحترفين ولا للى بيشتغلوا " تسويق ودروب شبينج أو أفيلييت أو الناس المسوقين اللى فاهمين فى الإعلانات والتسويق بشكل مبسط
السلسلة دى " للتجار " اللى معندهمش خلفية تكنولوجية مسبقة .. اللى عايز يبدأ يبيع أونلاين علشان يتوسع أكثر بدل ما شغله مقتصر على " المحل – المعرض " بتاعه أو بيبع على السوشيال ميديا بشكل بسيط وعايز ينظم شغله أكثر ويتوسع فيه بشكل إحترافى ومش عارف إزاى
تابعونا فى أولى حلقات السلسلة بنتكلم فيها عن الخطوط العامة اللى هنشرحها الفترة الجاية ان شاء الله
