اعرف أكثر عن الفاتورة الإلكترونية فى مصر
- ايه هي الفاتورة الالكترونية؟!
هي مستند رقمي أو الكترونى بيتسجل فيه كل معاملاتك ومبيعاتك لعملائك أو التوريدات سواء منتجات أو لو كنت شغال بتقدم خدمات .. دلوقتى الفاتورة هتبقى رقمية أو إلكترونية
هتكون بشكل معين وعليها " توقيعك الخاص" بس إلكترونى برضه
ومصلحة الضرائب هتستلمها منك عن طريق " المنظومة " الخاصة بالفواتير الإلكترونية وتراجعها وكل ده بيحصل علشان يتم وقف التعاملات الورقية وتوفير للوقت والتكلفة
• طيب ايه هي محتويات وتفاصيل الفاتورة الالكترونية؟
- ممكن تطلعها بالعربى أو بالإنجليزى أو باللغتين
- ممكن تصمم شكل " الفاتورة " زى شكل الفاتورة الورقية فى شركتك
- ممكن تعدل فيها فى أى وقت طالما لم تتجاوز الوقت القانونى لإلغائها من المنظومة .
- لها تميز خاص فى المنظومة عن طريق " UUID " وده رقم خاص لكل فاتورة فى المنظومة ومختلف برقم الفاتورة الداخلى فى شركتك
- بتقدر تحتفظ بفواتيرك وترجع لها فى أى وقت وتفلترها براحتك او تعمل لها حصر حسب مجموعات العملاء أو الموردين ومش بتضيع منك
- سهل طباعتها .. سهل تداولها بين ادارات شركتك وكيانك
أنضم ازاى بشركتى فى منظومة الفواتير الالكترونية ؟
خطوات الإنضمام بتبقى متقسمة على 4 خطوات :-
أول خطوة : لازم تسجل من خلال انك تبعت ايميل على :
einvoice@eta.gov.eg
ويكون فيه كل أوراق شركتك .. تمهيدا لمراجعتها للمرحلة التانية
والمستندات دى هى ( سواء هتقدم بنفسك أو وكلت حد لده ) :
1 - أصل بطاقة الرقم القومي او جواز السفر والوثيقة دى تكون " سارية " مع صور لهم
2- أصل البطاقة الضريبية وشهادة تسجيل بالقيمة المضافة وصورهم
3- خطاب تفويض من الشركة خاص بالتسجيل في المنظومة وفيه ما يلى :
- بيانات الشركة (رقم تسجيل الشركة- عنوان الشركة- الايميل الخاص بالشركة- رقم تليفون الشركة)
- بيانات المدير المسئول عن المنظومة بالشركة محدد به
( الاسم باللغة العربية والانجليزية- رقم بطاقة الرقم القومي - الايميل- رقم التليفون).
- في حالة حضور الوكيل هتوفر كل المستندات السابق ذكرها بالإضافة إلى أصل التوكيل وصورة منه
بعد ما بتسلم الأوراق وتعتمدها فى مصلحة الضرائب بيبعتوا ليك " إيميل " علشان تكمل عملية التسجيل وتعمل ملفك
وبعد ما تكتمل عملية التسجيل
بتحدد تفاصيل مختلفة زى " اليوزر والباسورد بتوعك " والاخطارات والتنبيهات " ووسيلة التواصل
وبكده تكون خلصت أول مرحلة فى الانضمام للمنظومة
ثانى خطوة : بتبدأ تعمل وتسجل التوقيع الإلكترونى الخاص بيك :
ازاى تعمله :
عندك جهتين ممكن تختار أيهما أنسب ليك
- الجهة الأولى : الشركة المصرية لخدمات التوقيع الالكتروني وتأمين المعلومات (Egypt Trust)
- الجهة الثانية : شركة مصر للمقاصة والإيداع والقيد المركزي (MCDR)
هما جهات تابعة لھیئة تنمية صناعة تكنولوجيا المعلومات ITIDA التابعة لوزارة الاتصالات
وتقدر تشوف ازاى تتواصل معاهم من هنا : https://www.itida.gov.eg/arabic/Pages/E-Signature.aspx
- بتبعت بقى رسالة على الإيميل ده
- (snoureeldin@itida.gov.eg)
علشان تطلب استمارة خاصة بطلب " صحة توقيع "
- بتملى الاستمارة وبتبعتها تانى علشان تاخد الشهادة دى :
“E-Seal Certificate”
لازم تاخد بالك من :
أ - لازم تقديم وتوقيع الطلب (العقد) من المدير المسئول للكيان أو الممثل القانوني،وأن یكون له حق التوقيع عن المنشأة وفقًا للسجل التجاري أو بموجب تفويض سارى
ب - یكون طلب الحصول على الشهادة (العقد) والتفويض موقعان علیھما من المدير المسئول للكيان أو من يمثله قانونا ومصدقًا على توقيعاته بختم البنك المتعامل معه (توقيع مُطابق)
فيه مستندات مطلوبة كمان علشان تحصل على التوقيع الإلكترونى :
• أصل و صورة من المستخرج الرسمي للسجل التجاري/ أو قرار الإنشاء/ الإشهار.
• أصل و صورة من البطاقة الضريبية.
• أصل و صورة صحيفة الاستثمار أو الشركات أو عقد الشركة.
• أصل و صورة إثبات الشخصية للمدير المسئول.
وكده بقى التوقيع ده هو التوقيع الرسمى لكيانك وشركتك
- لازم كمان تحصل على جهاز HSM علشان تستخدمه أثناء التوقيع رقميًا على المستندات قبل تقديمها.
كود منتجاتك وكمل تسجيلك فى المنظومة :
ودى الخطوة رقم 3 فى عملية التسجيل ( التكويد )
وهى انك بتدى لكل منتج كود خاص بيه بس يكون متوافق مع الأكواد العالمية الخاصة بيه
وده بتعمله عن طريق " Excel Sheet " بترتب فيه منتجاتك
وبتكود كل سلعة وكل منتج أو أى خدمة عندك
طبعا للأكواد العالمية الخاصة بيها
ولازم يتوافق مع( GS1) كود الصنف العالمي في تكويد السلع والخدمات ،أو تكويد داخلى يتم ربطة بنظام التصنيف (GPC)
وبعد كده لازم تبعته لـ مصلحة الضرائب فى خلال اسبوعين علشان يتم مراجعته والتأكد من صحة وتنسيب كل كود لكل منتج أو خدمة
وبكده ميبقاش فاضل إلا خطوة واحدة وهى " الربط "
كمل للصورة اللى بعدها
مرحلة الربط هي الخطوة الرابعة من خطوات التسجيل
بتربط فيها بين شركتك " السيستم الخاص بيك فى الحسابات "
مع المنظومة من خلال APIs الخاصة بالمنظومة واللى هتلاقيها هنا بتفاصيلها :
https://sdk.preprod.invoicing.eta.gov.eg/faq
وازاى تربط " يُفضل ان اللى بيمدك بالسيستم هو اللى يقوم بعملية الربط " ولازم تتاكد ان السيستم بتاعك مهيأ ومجٌهز للعملية دى من
لو وصلت لهنا .. فإحنا عندنا عرض خاص جدا ليك
هدية هتاخدها لو طلبت النظام الخاص بـ الـ ERP الخاص بـ فوالا
اللى بيساعدك فى إدارة عملياتك ومبيعاتك وتنظيم تجارتك والمخزون والمرتجعات مع الشحن والفواتير والحسابات بدقة وبسهولة ومن أى مكان تقدر تدخل له
تقدر كمان تجرب الباقة المجانية للنظام وتشوفه بنفسك
http://bit.ly/FreeVowalaaERP
إحنا أول نظام هيساعدك في تجارتك، محلك، شركتك
او مصنعك بسهولة وبدعم عربي مجاني مع لوحة تحكم عربية لكل عملياتك
دى مجرد " لمحة " بسيطة عن النظام اللى تقدر تحصل عليه بإشتراك شهرى على حسب طبيعة شغلك
كلمنا لو عايز تشوف عرض خاص للنظام لو مهتم بالشراء وإسألنا عن هديتك اللى فى بوست " الفاتورة الإلكترونية " بكود ( VFEG2021 )
ولو عندك أى إستفسار إبعتلنا رسالة أو كلمنا مباشرة على 
: 01004282491
01022552184
