يعنى إيه موقع إلكترونى / متجر إلكترونى وإيه الفرق بينهم ؟

أول حاجة بتعملها وإنت بتفتح مشروعك – معرضك – شركتك ..  إنك بتحتاج تدور على مكان مناسب سواء بـ :

• واجهة مميزة وعلى شارع كويس الرجل فيه ماشية لو كنت ( معرض – محل )
• أو مكان يناسب شركتك سواء كواجهة مناسبة ووضع معين
• أو مناسب ليك ولعملائك وللموظفين ( مسافات وسكن مواصلات )

وبيبقى فيه عوامل أخرى بتحكم على إختيارك برضه زى ( قيمة الإيجار – مساحة المكان – خدمات المنطقة - الزحمة ) .. خاصة لو إنت نشاطك عبارة عن بيع وتجارة

• ولما بتستقر على المكان بتحتاج إنك تكلف وتصرف على :

• التشطيب والديكورات
• الفرش والأجهزة
• البضاعة أو المنتجات اللى هتتابع ( لو انت نشاطك بيع )
• الموظفين اللى هيشتغلوا ( سواء فى هيكلة وعمليات البيع أو اللى هيأدوا الخدمات اللى انت متخصص فيها  )
• الدعاية اللى هتعملها علشان العجلة تدور

• وبعد كل ما سبق بتدعى ربنا يرزقك وبتقول ( لم علينا عبيدك يارب ^_^  ) .. وربنا يبارك للجميع فى رزقهم ويزيدهم

بس عارف .. كل ده إنت برضه ممكن تعمله على الإنترنت .. وبالعكس هيساعدك ويوفر عليك كمان فى المصاريف

وهيحقق نتائج أكثر عن اللى هتحققها من المحل أو المعرض أو الشقة دى

• هو ده بالضبط دور الموقع أو المتجر الإلكترونى .. طيب بيتكون من إيه ؟

• بيتكون من 4 حاجات أساسية :

• البرمجة
• الدومين
• الإستضافة
• المحتوى

طيب ياترى إيه المتشابه بين الموقع وبين المكان فى أرض الواقع :

أولا : الإستضافة Hosting :  فالشقة / المكان / المبنى / المعرض /  المحل اللى بتأجر أى منهم .. هو نفسه الإستضافة Host اللى بتشتريه علشان تبنى فيه الموقع

ثانيا : الدومين Domain : العنوان + اليافطة + باب الشقة  .. أيوه كل دول هما ( الدومين ) دول الوصف اللى إنت بتوصفه أو بتحطه فى مطبوعاتك أو إعلانات وبتقول لو عايز تزور المعرض – الشركة .. هتلاقينا فى ( القاهرة – المعادى – ش 102 ع 34 الدور الثانى شقة 3 تانى باب على الشمال .. علشان عميلك يوصل لحد الباب عندك ويخبط ويدخل .. بالضبط الدومين اللى هو www. هو ده عنوانك الكامل اللى بيوصل الناس ليك وبيخليهم يفتحوا باب الشقة او المعرض علشان يدخلوا ليك

ثالثا : البرمجة والمحتوى : الفرش والتجهيز والديكور والمكاتب والبروشورات والفلايرز والكروت .. كل اللى انت بتجهزه فى المكان علشان يبقى متميز كـ ( شكل – شياكة ) ويكون فيه حاجات وناس بتوضح للعملاء ايه اللى بتقدمه .. ويكون فيه مساحات جيدة لعرض منتجاتك اللى بتبيعها علشان عميلك يشوفها ويملى عينه منها بكل تفاصيله .. إلى جانب الموظفين كمان اللى بيبقوا مستعدين وجاهزين للشرح والتعريف والتعامل مع العملاء

فالضبط برمجة الموقع هى نفسها : هى الإطار اللى بتحط فيه صور ومعلوماتك ومنتجاتك وطبيعة خدماتك وتفاصيل عنها وصور ان آمكن لها

وكل التفاصيل اللى تهم عمليك انه يعرفها

وبنحتاج البرمجة دى علشان هى اللى بتخليك تصمم موقعك بإستايل يناسب شركتك او البراند بتاعك وكمان يكون مناسب مع ذوق عملائك وطبيعتهم

فالتصميم اللى هيبقى للجمهور النسائى خاصة لو انت بتبيع منتجات ( ملابس نسائية ) هيبقى مختلف عن التصميم اللى هيتعمل لـ ( حديد تسليح ومواد بناء )

طيب ايه الفرق بين المتجر والموقع العادى ؟

متجر يعنى فيه عمليات بيع .. لكن الموقع بيناسب أكثر التخصصات الخدمية .. زى مثلا مكتب محاماة أو محاسبة .. انت هنا مش بتبيع منتجات إنت بتقدم خدمات

فهتحتاج لعرض خدماتك بشكل جيد وتصميم أنيق يليق بمجالك وبمكانتك اللى عايز تخلى عميلك يشوفك بيها

وبرمجة لـ طلب خدماتك من خلال الموقع

أما المتجر .. فإنت بتحتاج لبرمجة مختلفة تخليك تقدر تعرض وتبيع منتجاتك بداية من الصفحة الرئيسية للمتجر حتى الصفحة الخاصة بكل منتج

بيقدملك مساحات لعرض منتجاتك وعروضك الخاصة .. بيقدملك طرق لعرض كل منتج بتفاصيله بصوره الخاصة بيه بألوانه بأحجامه بكل شئ فيه

وكمان بيساعدك انك تخلى عملائك يعملوا عمليات لشراء المنتجات دى مباشرة من على الموقع وتتشحن لهم كمان ويدفعوا ليك سواء عن طريق البنك او وسائل الدفع الإلكترونية المختلفة

ومش كده وبس

تقدر كمان من عليه تعرف انت عندك إيه فى المخازن وايه اللى قرب يخلص وأكتر منتج عليه الطلب وتقدر توصل للعملاء اللى زاروا المتجر بتاعك بسهولة بعكس مكانك على أرض الواقع اللى الزبون فيه بييجى ليك مرة وممكن ميرجعش تانى لأنه غالبا هينساك ويشوف غيرك وخاصة لو حد أقرب له ( مكان ) أو عرض سعر مميز عنك

وايه المتشابه كمان بين المتجر الإلكترونى ومحلك أو معرضك .. السلة !

أيوه السلة أو العربية أو حتى الشنطة .. اللى الشخص بيشترى منك فيها .. انت كمان فى متجرك بيبقى عندك سلة لكل عميل لو عايز يشترى أكتر من منتج عندك بيقدر يجمعهم ويحاسب عليهم مرة واحدة بـ كليك واحدة

من مميزات المتجر : إنه بيقدملك مساحات لعرض منتجاتك وعروضك الخاصة .. بيقدملك طرق لعرض كل منتج بتفاصيله بصوره الخاصة بيه بألوانه بأحجامه بكل شئ فيه

إلى جانب مميزات تانية كتيرة زى الحسابات والتقارير ونقاط الدفع ( الكاشير ) اللى ممكن تربطها بيه

بإختصار هيوفرلك كتير وهيفيدك أكثر وهيساعدك فى إنك تزود كل من :

• عدد مبيعاتك
• عدد عملائك
• الدخل الخاص بيك والكاش كمان

أخر حاجة حابب أقولها .. إن المستقبل والحاضر حاليا لوجودك أون لاين وللتجارة الإلكترونية .. وانك توصل لعملائك معدش مرتبط بمكان محدد أو منطقة جغرافية .. الدفع والتحصيل والشحن بقى أسهل دلوقتى

فمتتأخرش فى إنك تكون ماشى صح علشان تجارتك تستمر وتعمر أكثر وتكون مواكب للعصر

بإختصار هيوفرلك كتير وهيفيدك أكثر وهيساعدك فى إنك تزود كل من :

• عدد مبيعاتك
• عدد عملائك
• الدخل الخاص بيك والكاش كمان

- فوالا Vowalaa بتوفرلك المتجر المناسب والأمثل لتجارتك وخدماتك بالإضافة إلى حلول متكاملة علشان تخلى شغلك كله أون لاين

كلمنا ومترددش وإحنا هنكون خطوة بخطوة معاك 

خطوات انشاء و تجهيز متجر الكترونى فى 8 ساعات فقط من هنا