نبذة مختصرة عن ERP System - نظام تخطيط موارد المؤسسة 

بتحتاج لتنظيم فى إدارة شركتك .. بتبقى عايز تهرب من الورق الكتير والدفاتر .. أو ملفات الـ Word والـ إكسل Excel

أكيد سمعت عن ( نظام تخطيط موارد المؤسسة ) أو ما يعرف بـ System ERP 

هو نظام متكامل لإدارة وتوفيق مواردك مع إحتياجات شركتك أو تجارتك سواء على الأرض أو الإلكترونية

طيب هقدر أستفيد منه فى شركتى إزاى ؟

• هتقدر تتابع بياناتك وشغلك فى شركتك من أى مكان وفى أى وقت من موبايلك أو جهازك الشخصى

• هتقدر تنظم عمليات وشغل المحاسبة والمشتريات وتعمل سجل خاص لكل عملية حصلت معاك فى شغلك

• هتقدر تنظم الإدارة المالية لشغلك .. هيخليك توصل بشكل أسرع وأفضل وأكثر دقة لكل مواردك المالية

وتشوف معلومات فعليا وهيخليك متغرقش فى الأوراق والفواتير طالما بتدخل البيانات أول بأول وبتتم عملياتك المالية من خلاله

• هيساعدك فى تنظيم وإدارة الموظفين بكل إحتياجاتك معاهم زى ( المرتبات والتشغيل والمهام الخاصة بيهم )

وتقدر تعرف كل موظف بيشتغل إزاى ومقصر فى إيه ؟

• هتقدر تدير مخازنك ومنتجاتك وتوريداتك بشكل أكثر دقة وتقدر تعرف الصادر والوارد وباقى أد إيه من كل منتج وأى منتج عليه سحب أكثر ومين اللى بيسحب وبالتالى هيفرق معاك فى إنك تغطى إحتياجاتك وإحتياجات عملائك بشكل أسرع

• من اللى بيميز النظام كمان إنه بيقدر يستوعب أى توسع فى الشركة سواء كمنتجات جديدة أو أقسام إدارية أو حتى فروع جديدة للشركة وبتقدر تعمل تناغم وربط وتواصل سريع وبدون أى عقبات بين كل البيانات أو الإدارات أو الحسابات الخاصة بأى إضافات جديدة

بإختصار الـ  ERP  هو أفضل حل ليك فى متابعة شغلك .. لأنه بيحسن جودة وكفاءة الشركة، لأنه بيخلي العمليات مستمرة مع بعضها بشكل مريح ومبسط، بدلا من المتابعة اليدوية اللى بتستهلك وقت ومجهود وفلوس وكمان المتابعة فى الورقيات والفواتير اللى بتكون بحر مش بيخلص