ازاى تعمل خطة مبيعات ناجحة sales funnel
لو كنت فى بداية مسار عملية البيع أو لو فى مرحلة من مراحلها مع عملائك، فا هيفيدك انك تعرف ان مسار المبيعات فى التجارة الالكترونية ecommerce sales funnel بينقسم إلى هدفين
أول هدف هو جذب عملاء جدد للمتجر ، و تانى هدف هو الاحتفاظ بالعملاء أو المتسوقين الحاليين فى موقعك
و من خلال 3 مراحل تقدر تحقق الهدفين و تعمل خطة مبيعات ناجحة
وهنشرح ليك بشكل مبسط المرة دى المراحل و ايه اللى انت ممكن تعمله فى كل مرحلة علشان العميل لما ينتقل ما بينهم تقدم له
مسار واضح يساعده فى إنه يشترى منك ويكون عميل دائم عندك
أول مرحلة هى الـ awareness
فيها بتعرف عملائك الجدد على منتجاتك و الاحتياجات اللى بتوفرها ليهم ، أو المشكلة اللى عندهم و بتقدر تحلها بعد ما تكون فهمت سلوك العميل behavior و الاحتياج اللى بيدور عليه و بيهمه
و اللى كمان بتستهدف من خلالها العملاء السابقين اللى زاروا موقعك او متجرك سواء إشتروا بالفعل فبتعرفهم على منتجاتك الجديدة أو مأخدوش أى قرار بالشراء فبتستهدفهم مرة أخرى بطريقة و استراتيجية مختلفة لأنهم مهتمين بالفعل
مرحلة هى الـ interest
العميل بيبدأ فى البحث أكتر عن المنتجات اللى بتقدمها أو اللى عرضتها عليه بأى شكل من الأشكال سواء عن طريق حملات اعلانية awareness أو من خلال وصوله ليها من محركات البحث على الانترنت بشكل عام ، عشان كده مهم فى المرحلة دى تضيف وصف دقيق و شامل عن المنتجات اللى بتعرضها و تزود الجمهور بالمعلومات الكافية و تبنى علاقة مع العميل عشان يكتسب ثقة فى منتجاتك و ينجذب للبراند
وفى المرحلة دى بتستهدف العملاء اللى كان منهم مهتم بأى منتج بتقدمه سواء لاحظت ده من أسئلته و استفساراته أو من خلال تفاعله و مشاركته معاك فى أشكال كتير ، فى الحالة دى تقدر تستهدفه عن طريق تجديد النشاط التسويقى برسائل الكترونية عن طريق الايميل أو حملات تسويقية و اعلانية على منصات مختلفة على السوشيال ميديا أو محركات البحث
مرحلة الـ Consideration
فى المرحلة دى بتحفز الجمهور اللى بقى مهتم بالفعل بالمنتجات اللى بتقدمها و بتخلق عنده النية الشرائية عن طريق توفير تجربة مجانية أو ارسال ايميلات موجهه ليه بعروض خاصة أو خصومات حصرية عشان تشجعه و تحفزه على الشراء
فى مرحلة الـ intent : بعد ما بتتحقق النية الشرائية و يقرر العميل انه يجرب و يشترى منتج من منتجاتك على الموقع ، هنا دورك تسهله عملية الشراء و تحافظ على ان تجربته تكون مفيدة و بأفضل شكل
مرحلة القرار
فى المرحلة دى هتفكر ازاى انك تحول العميل من مجرد مهتم إلى مشترى بالفعل او متسوق فى متجرك الالكترونى عن طريق تحسين تجربة تصفحه للموقع و تنقله فى صفحاته و تسهيل عملية البحث و الاختيار بالنسبه ليه ، عليك ام تقترح المنتجات اللى محتاجها أو اللى تناسب اهتماماته و كمان اهتم بتجديد حملاتك التسويقية بإستمرار على المنصات اللى بتكون ملائمة لنشاطك و البيزنس بتاعك و اللى بيكون عليها أكبر عدد من جمهورك و استفيد من شبكاتها عن طريق تطبيق استراتيجيات تسويق قوية و فعالة
و اعرف ان تجربة الشراء السيئة للعميل و علاقتك معاه بتتوقف عليها فرصتك للاحتفاظ بالعميل لفترة أطول أو اعادة استهدافه مرة تانية
فى مرحلة الـ Evaluation : فيها العميل ممكن يعمل مقارنة بين مميزات و فوائد منتجك اللى قرر يشتريه مع المنتجات المشابهه اللى اشتراها أو شافها قبل كده و هنا مهم انك تظهر الميزة التنافسية لمنتجاتك سواء كانت فى السعر أو القيمة اللى العميل بيحصل عليها منها أو فى فوائدها بالنسبه ليه بعد كده.
فى آخر مرحلة و هى الـ purchase فيها العميل قام بطلب منتج بالفعل من الموقع و لو تجربته كانت ايجابية هتقدر تحتفظ بيه كا عميل دائم و تضمن ولائه لمنتجك و تقدر تستهدفه سواء لمنتجات أخرى أو منتجات مكملة للمنتج الأساسى اللى اشتراه.
من خلال المراحل دى بتخطط مسار مبيعاتك بطريقة تجذب المتسوقين على متجرك و بتنظم استراتيجية التسويق الخاصة بيك و اللى هتساعدك فى نجاح مسار عملية البيع
مواضيع ذات الصلة :
-ازاى تستخدم موقعك الالكترونى فى التسويق و الانتشار على المنصات المختلفة ؟ ... اقرأ المزيد
-ازاى تسوق للبيزنس بإستخدام المتجر الالكترونى ؟ ... اقرأ المزيد
-كيف تختار متجرك الإلكتروني و مالفرق بين أنواع المتاجر ؟ ... اقرأ المزيد
